Gezaghebber interino Nolly Oleana tabata presente na Aruba y na mes momento a dicidi cu esaki ta e ultimo aña den un funcion gubernamental cu ta bin celebra dia di Himno y Bandera na Aruba. Gezaghebber interino Nolly Oleana a nace na Aruba y ta bunita pa por cera e carera profesional den e forma aki.
A presencia e manifestacion cultural hopi bunita unda cu a gosa y a haya sa mas di historia den e ultimo añanan aki unda cu ta mira nombernan prominente Boneriano cu ta aporta na cultura di Aruba. Dia 18 di maart mes e parti cu a haci un impresion hopi grandi ta e poesia cu tabatin un efecto hopi profundo riba su persona. Gezaghebber interino Nolly Oleana ta contento di por a celebra cu Aruba unda cu lo saboria e parti culinario, pero tambe pasa cerca amistadnan di Aruba.
Aunke cu Boneiro ta apart den e sistema politico cu Curaçao y Aruba ta kere cu union lo no caba nunca, esey lo keda pa semper. Historicamente y familiarmente Aruba Boneiro y Curaçao ta conecta na otro. Na cada isla tin conoci nan y famia di otro y e idioma papiamento/ papiamentu ta uni nos tambe y esey lo keda y ta pone cu tur e islanan aki lo keda conecta na otro den un of otro forma.
Sinembargo Gezaghebber interino Nolly Oleana su deseo ta cu e islanan den futuro traha hunto y estrecho cu otro. Un di e ehempel nan ta pa sigui desaroyo di e idioma papiamento. Loke cu e islanan ta fuerte den dje porehempel si Aruba ta fuerte den horeca pakico mester pone scol di horica na Boneiro, pone esaki na Aruba unda cu studiantenan na Curaçao cu di Boneiro lo participa na e scol of e estudionan aki na Aruba. Si Boneiro ta bon den agricultura, pesca y otro partinan di lama laga e scol bay Boneiro y na unda cu e personanan na Curaçao y Aruba por haci e estudio na Boneiro.
Gezaghebber interino Nolly Oleana ta kere cu tin asina tanto posibilidad den futuro pa sigui conecta na otro. Actualmente tin problema di conexion di aviacion entre e islanan, pero ta kere cu mester bin un aerolinea caminda cu tur tres isla ta participa den e compania pa e aporte financiero pa asina garantisa conexion aereo entre e islanan ABC. Segun Gezaghebber interino Nolly Oleana esey ta algun ehempel nan cu lo bin y nos lo realisa cu nos mester di otro pa por sigui bay padilanti.
