ORANJESTAD, Aruba
Diabierna siman pasa
Atracoteam tawatin un entrada hudicial na un cas na Sabana Basora caminda a detene e homber S.J.F. di 19 aña. Na dicho cas a confisca diferente articulonan usa na diferente atraconan y un auto. Relaciona cu e mesun atraconan awe Atracoteam tawatin un entrada hudicial na un cas na Pos Chiquito caminda a detene e ruman hombernan S.A.J.K. di 18 aña y G.E.A.K. di 19 aña. E tres sospechosonan ta wordo sospecha di tin di haber cu diferente atraconan entre otro un cas na Pos Chiquito caminda un pareha di edad a wordo atraca, Tio Pepe caminda un homber net despues di a sali di e restaurant a wordo atraca, Dior Minimarket y un atraco cometi ariba un señora na e bushalte na Pos Chiquito dilanti Serlimar. No ta descarta cu mas detencion lo cay.
