ORANJESTAD,Aruba
Awe dialuna anochi pa 8:45 central di polis ta wordo informa cu un intento di atraco a tuma lugar na un cas na Emmastraat. Ta manda patruya di biaha na dicho adres . Na yegada di patruya ta bin compronde cu un rato prome dos hende homber cara tapa y tur dos cu arma di candela a drenta y a purba atraca e señora den e cas. Ta asina cu nan a papia bon papiamento. Nan no a logra bay cu nada . Nan lo mester a huy na pia direccion Boliviastraat. E dos sospechosonan tabata tin bisti jeans blauw y sweater color preto y tur dos color di cuero blanco.
Atraco team a presenta na e sitio, polis techinco y tambe slachtofferhulp. Diferente unidadnan riba caya a cuminsa cu e busceda pa e dos sospechosonan aki.
Cuerpo Policial ta pidi esnan cu a wak algo of sa algo jama e tiplijn di polis cu ta 11141.
