Despues di e asesinato di e Marechaussee Hulandes na Corsou tabatin dos minister na Corsou cu urgencia. Hefe di cuerpo policial Corsou Sr. Raymond Ellis di Cuerpo Policial di Corsou a yama un conferencia di prensa na esunnan di husticia y defensa Hulandes.
E asesinato a tuma luga diabierna 31 di mei 2024 den careda di 23:43 central di polis a ricibi un yamada cu na un adres reigerweg bisiñanan a tende un dama ta grita pa yudansa. Mesora a dirigi un unidad di polis na e sitio na yegada di polis a bin topa ambulance cu ta tratando un victima masculino cu a ricibi tiro for di un arma di candela. Mesora a cuminsa un investigacion y a bin Sali na cla Antonius Johannes Maria Hendrika Brood tabata sinta hunto cu su pareha den veranda di nan cas patras na momento cu nan a tende un zonido.
E homber a lanta bay wak ta kico pero dies un rato despues e dama a tende un tiro, mesora despues e dama a keda sorprendi pa tres homber den cas y un di nan tabata cara tapa y cu handschoen bisti a bin riba dje y bou di menasa cu arma di candela e homber nan a obliga e dama pa duna placa y yabi di auto. Despues di buskeda rond den e cas e homber nan a bandona cas cu e auto di e victima. Personal di ambulance a trata di reanima e victima pero no a logra. Dokter di polis a presenta y a constata morto di Antonius Johannes Maria Hendrika Brood, naci na Hulanda y tin 49 aña.
Hefe di polis Raymond Ellis algun ora prome tabata den reunion cu e victima cu a fayece y a papia riba posibel cambionan pa drecha e servicionan na costanan di Corsou pa evita cu ilegalnan drenta Corsou.
E caso di asesinato aki polis ta considere hopi serio y brutal y un tipo di caso asina pisa cu a tuma luga ta for di mei 2019. Hefe di polis tabata bon cla cu no ta permiti y acepta tipo di actuacionnan asina tuma luga den comunidad. E yamada ta bay tambe cu si tin cualkier persona cu por a mira algo y of sa algo tuma contacto cu polis mesora na 917 of e liña anonimo 108
Hefe di ministerio publico na Corsou tambe a hiba palabra y ta duna di conoce cu e investigacion ta andando y cu tipo di incidentenan asina aki no ta permiti na Corsou y ta demostra tambe cu Corsou tin hopi problema cu armanan ilegal cu tin riba e isla. Sinembargo tur e keten hudicial ta trahando pa bin cu un forma pa saca armanan ilegal for di circulacion di Corsou. Cu esaki lo bin un campaña hunto cu ne tambe. Tambe lo cuminsa traha riba e ley pa asina hisa e castigo pa esunnan cu tin armanan ilegal den nan poder. Di e manera aki ta spera cu por traha hopi mas duro pa tin un Corsou hopi mas sigur.
Antonius Johannes Maria Hendrika Brood a keda manda Corsou door di gobierno Hulandes pa haci algun trabou riba e tereno di ilegalnan cu ta drenta for di costanan di Corsou.
Vocero di Cuerpo Policial Corsou sr. Maurits Rosalina ta haci peticion na e 3 sospechosonan envolvi den e caso di atraco cu resultado fatal na Reigerweg pa nan bay entrega nan mes na cualke warda di polis. E acto aki ta un acto cu a sacudi henter reino Hulandes. Yamada riba boso mes, boso famia, mayornan di esunnan cu a comete e acto aki pa papia cu nan y conseha nan pa awe nan entrega nan mes. Cuerpo Policial Corsou ta garantisa cu na momento boso entrega boso mes, boso lo ricibi un proceso penal husto. Husticia no lo para keto te na momento cu resolve e caso aki.
