Diahuebs Rusia a lansa un atake amplio contra Ucrania y a haci esaki por medio di atakenan aereo y a uza su artiyeria contra ciudad y basenan militar. Civilnan a cuminsa huy den trein y autonan.
Gobierno di Ucrainia a bisa cu e tanki y trupanan a cruza e frontera, den un guera di gran escala y cu lo por tin consecuencia pa henter mundo.
Presidente di Rusia Vladimir Putin den un discurso a anuncia un operacion militar grandi y a duna poco importancia na e sancion- y condena internacional. El a blof cu e arsenal nuclear di su pais, menasando cu consecuencianan cu nunca antes a wordo mira, pa cualkier pais stranhero cu trata di interferi.
Hefe di OTAN a bis cu e atake brutal aki a kibra paz den continente Europeo, mientras cu e aliansa lidera pa Merca a mobilisa mas trupa direccion di Oost Europa.
Sonido di alarma a sacudi e capital di Ucrainia y e hendenan a yena e stationnan di trein y camindanan. Gobierno di e antiguo republica Sovietico a informa di un posibel invasion for di banda oost, nort y zuid y a raporta mas di 40 morto y docena di heridonan.
Lidernan mundial a condena e atake, cu por causa hopi morto, causa caida di e gobierno di Ucrainia eligi di forma democratico, cambia e ekilibrio na Europa cu a wordo logra despues di Guera Frieu. Pero tambe e lo tin un impacto grave riba tereno economico na henter mundo, cu no tin di haber solamente cu gas.
Tin reunionnan urgente tumando luga den seno di Nacionnan Uni
