astor Marcel Balootje: Sali for di mediocridad y bay pa excelencia, mentira ta haci hende mediocre

Mentira ta haci hende mediocre, ora bo sa cu algo no ta berdad, y bo ta hacie toch, bo ta biba den dje, y hasta bo kier obliga otronan pa kere bo mentira, y apoya bo mentira, bo comportacion ta bira mediocre.

Dios no a yama nos pa ta mediocre, nos a wordo crea den excelencia, pesey hende a wordo crea den imagen y semehansa di Dios, y e creacion di hende ta asina perfecto, cu bo no por compare cu nada na mundo.

Laga nos solamenta comtempla con nos curpa ta funciona, y ey nan nos ta realisa cu ta Dios mes a crea nos.

!! For na momento cu diabel a drenta mundo cu un mentira y hende a acepta esey mediocridad a drenta mundo. 

Awendia mediocridad ta acepta manera pan cu keeshi, pasobra cada biaha cu hende acepta mentira y rechasa berdad y sali for di e Principio.Statuto y Boluntad di Dios, nos ta habri porta pa mediocridad,cual ta e porta grandi pa scuridad.di mundo.

!!! Hopi no kier usa e nomber pica mas, nan ta yame un falta, habito, of un debilidad, pero dilanti di Dios pica ta keda pica.

*** Tur locual ta mitar berdad ta mediocridad, y wak cuanto actitud mediocre ta biba bao di nos hubentud, e sistema di mundo kier pusha muchanan for di chikito pa acepta cosnan mediocre y pa mantene nan den scuridad.

!!! Ta para scirbi;No sea conforme na e mundo aki,ma sea transforma pa medio di e renobamento di boso mente, pa boso por compronde kico ta e bon y agradabel y perfecto boluntad di Dios.( Romanonan 12:2).

Tur locual sistema di mundo ta ofrece ta engaño feros, rebeldia, murmuracion, orguyo y amargura, inmoralidad , abominacion, cosnan cu Dios ta rechasa completamente. ( 2 Timoteo 3:1-9).

Ora hende ta biba den obedencia na Dios, nan lo bula manera aguila, nan lo ta fuerte tur momento, pasobra e presencia di Dios den nan bida ta guianan na excelencia.

Pero ora hende ta acepta mentira den nan bida, diabel ta ciega nan  y nan ta comporta manera galiña.

Mediocridad ta haci hende bira floho, timido, y falta di curashi, y asina bira un hende cu tur cos ta pospone pa mayan, y cu tin miedo di enfrenta bida.

Mientras e palabra di Dios ta bisa: Tur loke boso ta haci, haci boso trabao di curason, como pa Señor y no pa hende, sabiendo cu for di Señor boso ta ricibi e recompensa di e herencia, Ta Señor ta Esun cu boso ta sirbi. Pasobra esun cu haci malo lo ricibi e consecuencia di e maldad cu e a haci y esey sin distincion di persona. ( Colosensenan 3;23).

Bo ta sa cu alcohol ta haci hende mediocre, igual cu droga, bo tabata sa cu inmoralidad ta haci hende mediocre, cu adulterio ta haci hende mediocre , pasobra tur tin un excuus di mentira tras di nan cual ta stroba hende di cana den e berdad di bida.

Como mayor nos mester roga na Dios, pa duna nos e sabiduria, pa guia nos yiunan na un bida leu di mediocridad, pa asina nan escohe pa excelencia, biba drechi, aparta for di asunto di gang, aparta for di violencia, odio, envidia y vengansa, pasoba tur eseynan ta parti di mediocridad.

Wak cuanto hende grandi ta practica mediocridad, y asina bo ta sa dicon hopi mucha su comportacion ta robes.

Mira bon con leynan ta wordo cambia na mundo, pa hende di sano huicio acepta y apoya mentira y inmoralidad cual ta hiba na mediocridad.