Diamars anochi Arubaanse Vereniging voor Accountants (AVA) den cooperation cu
Universidad di Aruba su instituto pa Good Governance & Leadership y faculdad di Accounting, Finance y
Marketing a tene un debate tocante ‘Con pa connecta accountancy cu sociedad’. Prof. dr. Mirko
Noordegraaf, Professor extraordinario di Governance & Public Services na University of Aruba (UA), Paul Vandormael, Decaan di faculdad di Accounting, Finance y Marketing y Jonah Warner, Board member di
AVA, a duna presentation y dirigi e debate cu e stakeholdernan y accountantnan presente.
Durante e presentation a toca e topico cu, door di varios factornan, e debate publico ta pone preshon pa
tin mas regulation ariba e sector di Accountancy. AVA a splica cu na Aruba e preshon pa trece regulation
ta creciendo door di preshon di Hulanda. AVA ta lamenta cu tempo di a introduci e Burgerlijk Wetboek
di Aruba, na ultimo momento toch a kies pa no inclui un controleplicht pa compania grandi na Aruba,
cual door di nan grandura ta importante pa e comunidad, empleado, y banco, si transaction nan no
wordo ehecuta segun reglanan di bon maneho.
Den e ultimo anjanan, AVA ta reuni regularmente cu stakeholdernan y ta wordo pidi pa input
profesional ora cu ta toca topico manera e reforme fiscal, legislacion nobo, manera e Landsverordening
Normering Topinkomens y Corporate Governance, como tambe e protocolnan di control relata na e
recorte di salario den periodo di Covid.
E Community Talk tin como un objetivo pa habri posibilidad pa dialoga cu stakeholdernan riba diferente
topico. Combersacionnan ta juda trece perspectivanan nobo y diferente. E directiva di AVA ta contento
cu un evento exitoso y AVA ta compromete su mes pa sigui organisa eventonan y charlanan den futuro
pa ofrece nan miembronan y stakeholdernan mas perspectiva aportando na comunidad di Aruba.
Tambe representantenan di Universidad y studiantenan presente a mira varios oportunidad pa
studiante como parti di nan estudio por asisti AVA cu diferente projecto.
E proximo ‘Community Talk’ planea lo ta uno specifico pa anthousiasma studiantenan den rango di
accounting y finance pa informa nan tocante e posibilidadnan pa sigi studia pa hanja nan certification di
Register Accountant (RA), Accountant-Administratieconsulent (AA), of Certificied Public Accountant
(CPA). E evento lo tuma luga na Universidad di Aruba dia 10 di november. Pa registration por tuma
contacto cu e Secretario di Board di AVA via email (vereniging.ava@gmail.com).
