Ricangel de Leça ta un di e refereenan cu Aruba tin, kende tambe ta un referee di FIFA. Na diferente ocashonan el a haya oportunidadnan pa dirigi weganan den exterior y un biaha mas el keda yama pa dirigi un wega di Scotiabank CONCACAF League 2020. E wega aki ta parti di e di cuater (4) edition, di un competencia di club di futbol organiza pa CONCACAF.
E wega cu De Leça a keda designa pa dirigi tawata e wega entre Arcahaie di Haiti y Waterhouse di Jamaica. AVB ta orguyoso di mira con Aruba ta reselta den mundo di futbol, internacional. Locual ta haci aun mas interesante ta e hecho cu e “referee Assessor” di CONCACAF a duna Ricangel de Leça un tremendo review ariba e forma con e la dirigi e wega.
Arubaanse Voetbal Bond (AVB) ta orguyoso di scucha feedbacknan positivo. Nos tin e meta pa sigui engrandece futbol di Aruba, p’esey a desaroya plannan pa yuda organisacionnan sigui crece y p’esaki nos ta contento di mira con cosnan ta bayendo. No solamente ta yuda clubnan, pero tambe ta yuda door di bin cu trainingnan pa referee por sigui crece. Pabien de Leça cu e bon trabou.
