Aña 2022 lo ta un aña crucial pa locual ta e trayecto di landspakket unda cu diferente accion den e trayecto aki lo tin nan estudionan publica. E estudionan aki a wordo ehecuta pa profesionalnan hulandes y local, y semper a envolve e stakeholdernan principal. Asina cada estudio ta wordo carga cu base amplio.
Den aña 2022 lo cuminsa mira diferente fase di implementacion.
E aña aki tambe lo ta e momento crucial cu lo mester stipula y haci palabracion fiho entre e paisnan pa loke ta e forma di financiamento di e proyectonan, cumpliendo cu e palabracionnan riba e tema financiero.
E acuerdo den forma di e prome agenda pa aña 2022 ta demonstra cu no obstante e retonan, nos pais ta cumpliendo den gran forma cu un di condicionnan esencial. Ta desea tur profesional y esnan involvi den a trayecto aki hopi exito cu e trabounan nos dilanti.
E Agenda di Ehecucion ta un documento cu lo wordo rafina continuamente. Esaki lo tuma luga den colaboracion estrecho entre paisnan.
E agenda a wordo comparti entre otro cu Parlamento, gremio y organo di controlaria y conseho. Esaki den cuadro di un maneho transparente
Por indica cu Pais Aruba ta riba bon caminda y cu respet, madures y dedicacion, hunto nos lo recupera nos pais.