‘Cu ganadornan di competencianan di “Iron Chef” y “Bartenders’ Brawl’
Autentico Aruba Culinary Festival a surpasa tur expectativa, creando un experiencia inolvidabel pa tur cu a
asisti. Un evento cu a reuni un mescla perfecto di ambiente, musica, y sabor caminda cu a disfruta di un
coleccion varia di cuminda eleva y diverso, cada un presentando lo mihor di arte culinario di Aruba.
A percura pa crea un espacio cu a permiti pa relaha y gosa di e hospitalidad renombra di nos isla den un
ambiente trankilo, ideal pa famia. E exito di e festival ta mustra e amor creciente pa e escena culinario di
Aruba, creando un demanda grandi pa ripiti e evento na 2025.
Diasabra 12 di oktober, e mihor mixologistanan di Aruba a subi riba escenario na e di seis edicion di e
Bartenders' Brawl den colaboracion cu #WheninAruba. Un evento cu a conta cu ocho mixologista
talentoso selecciona pa distribuidornan di bebida local, cu a competí pa crea e mihor cocktail di e isla.
Cada uno tabata tin ocho minuut pa prepara tres bebida pa e huradonan, cu a incluí Master Bartender
Kate Gerwin, Mixologo Abraham Urdaneta, y Jessika Theysen un sommelier renombra y gerente di e
restaurant Ritz Carlton.
E competencia aki a pone enfasis riba creatividad, presentacion y sabor, cu actuacion sobresaliente di
Nelson Molina cu a conkista e prome lugar cu su bebida ‘Nos Cultura’, Carlos Perez cu a tuma di dos
lugar cu ‘Coconut Cascade’, y Luisa Rivero cu a tuma di tres lugar cu su bebida basa riba tequila ‘Jalea
Real’. Otro participante tabata David Posada cu su bebida ‘Temponan di Antes’, Esneider Tuñon cu ‘Aruba
Heritage’, Yokasta Felix cu ‘Exotic Paradise’, Giovanni Tromp cu ‘Cucumber Rose’, y Orlando Navas cu
‘Turista Sunrise’. E bartendernan aki no solamente a demostra nan habilidad tecnico, pero tambe a
presenta e diversidad di bebida tanto local como internacional, subrayando asina e escena eleva di bebida
na Aruba. Un evento cu a wordo patrocina pa Divino, Arion, Pepia East, ATC, Romar Trading, Pepe
Margo, Balashi Brewery, Bodegas Papiamento, Romar, Liquid Chef, TH PALM & Company, Wilhelmina
Restaurant, JOIA by Iberostar, Aruba Trading Company.
Riba diadomingo, 13 di oktober 2024, a tuma lugar e competencia emocionante di Iron Chef Aruba. Un
evento prestigioso cu tambe tabata den colaboracion cu #WheninAruba. Tres chef talentoso a mustra nan
habilidad, arte, y creatividad culinario segun un ‘3-course menu’ pa asina logra conkista titulo di Iron Chef
Aruba 2024. E huradonan pa e competencia di Iron Chef tabata den persona di Alvaro Clavijo – Chef y
doño di El Chato na Bogota cu ta number 25 riba e lista di The World’s Fifty Best Restaurants pa 2024 y
number 4 na Latino America, sigui pa Anotia Lofaso – Chef restaurado, conoci pa su aparencia di
programa Top Chef y Cutthroat Kitchen, y autor di The Busy Mom’s Cookbook. E siguiente hurado tabata
Olivier Falchi kende ta Executive Chef di Hilton Aruba desde 2020, y por ultimo Aldwin Donata cu ta
Executive Chef na Holiday In Resort Aruba cu un historia den sciencia cu ta percura pa ehecucion di arte
culinario unico. Ta di menciona cu durante di e competencia, cada chef tabata asistí pa studiantenan
ganador di e Student Competition di studiantenan di E.P.I. y EPB, cu a tuma lugar na comienso di
september 2024, den anticipation di e evento ‘Autentico’. Un evento cu a wordo patrocina pa ASD, Ling
Sons Food Market, Certified Angus Beef, USMEF – US Meat Export Federation, Caribbean Overseas,
Granny Mati’s Drink, T2Pan, Petite Greens Farm, Farmcure Fungi, Santa Rosa, HappyPonix, Lion-Fish
Shack, Green Fish Distribution, Savaneta Quail Fram, Do It Center, Deli Caribbean, Bersah, Marriott
Aruba Resort, Gianni’s Group, AHATA, Florence Edible Flowers, Nonna’s Gourmet.
Ronella Croes, CEO di A.T.A., a anuncia e titulo maximo di Iron Chef Aruba 2024 cu a keda den persona
di Moises Ramirez, Sous Chef na Lima Bistro, cu a impresiona e huradonan cu su platonan innovador.
Como premio, Moises ta ricibi un NYC Culinary Exploration trip pa dos persona, cu ta inclui pasashi aereo
ida y buelta, 4 anochi di estadia na hotel, y 5 experiencia culinario na New York pa dos persona.
Di dos lugar a keda den persona di Jeanclaude Werleman, Chef de Cuisine na Infini Aruba cu a gana un
recorido educativo den Cattle Country, organisa pa Certified Angus Beef & US Meat Export Federation. E
premio ta incluí pasashi aereo ida y buelta, estadia na hotel, cuminda, y e recorido educativo na un rancho
di baca, y e oportunidad pa conecta cu chef y ekspertnan den e industria culinario.
Na di tres lugar a keda den nomber di Juan Ludeña, Executive Chef na Bistro L’Avenue & Papillon
Restaurant cu a gana un bishita na Certified Angus Beef International Round-up na Wooster, Ohio. E
premio ta inclui pasashi aereo ida y buelta, estadia, cuminda, recorido na un criadero, y un experiencia di
“Carcass Breakdown and Ideation”, y e oportunidad pa conecta cu chef y expertonan den e industria.
E studiantenan di EPB y E.P.I. cu a asisti e chefnan tabata Annie Ortega, Kahlil Mullers, Jayden Heyden,
Phelan Tromp, y e studiantenan ganador di e anochi tabata Michael Padron y Dylan Cardona. Tanto
school EPB y E.P.I ta ricibi dos set di buki Modernist Cuisine: The Art & Science of Cooking with Stainless Steel como donacion.
Un evento exitoso cu ta sigui strategia segun modelo di High Value-Low Impact di A.T.A., creando
eventonan di calidad halto cu impacto abou, poniendo e comunidad local tambe central, caminda cu
huespednan riba e isla tambe por a uni y comparti cu nan. Pero e evento tambe ta “showcase” e area
historico, cultural y culinario di Oranjestad! Y mas cu claro e ta un oportunidad unico pa nos talentonan
local y pa nos negoshinan den area di F&B, sin lubida e trayecto di brinda educacion na nos studiantenan cu tambe ta un aspecto importante tras di ‘Autentico’.
A.T.A. y e ekipo di Autentico Aruba Culinary Festival ta manda un palabra di gratitud na tur compania pa e
pasenshi y colaboracion, voluntarionan, ekipo interno y externo cu a contribui na e exito di Autentico Aruba
Culinary Festival 2024.
