Na Museo Arqueológico Nacional a tuma luga e final di presentacion di un tremendo Workshop cu a keda duna door di e Producer Rebecca Roos. Un anochi bon atende di esunnan cu ta interesa di por traha nan propio storia of traha documentarionan. E cursistanan ta di edad tabata mixto unda cu esun mas jong tabatin 19 aña y esun mas grandi tabatin 77 aña. Rebecca Roos ta sumamente contento cu tur esunnan cu a participa, aunke cu e tabata un grupo hopi diverso e workshop tabata exitoso.
Rebecca Roos mes sa duna varios cursonan den exterior y e cursonan ta hopi intensivo unda cu varios persona ta bin for di varios otro pais na e Film School di Cuba unda cu actualmente Rebecca Roos ta duna les. E curso cu ta ser duna na Cuba Rebecca a trata di trece e formula aki na Aruba y na unda cu e curso tabata hopi intensivo unda cu hasta un cursista a yama e curso hasta un boothcamp, segun Rebecca Roos.
Sinembargo e curso a cana bon unda cu tur a keda y den e prome parti mas tanto nan a haya historia, teoria y diferente estilonan y siña con pa pich y research un proyecto.
Den fin di siman tur mester a pich un proyecto y tur mester a vota riba uno y no solamente loke cu nan kier wak, pero kier traha riba dje tambe. E tres nan cu a gana a keda eligi y asina a traha e teamnan y nan hunto a traha riba e proyecto. Den e di dos siman nan tur mester a caba nan research, prepara nan filmacion y despues filma pa na final por edith. Na momento cu e proceso aki a caba por a presenta e producto te con leu nan a yega.
A enfoca hopi riba esunnan cu ta enfoca y interesa riba documentario. Tin persona cu ya caba tabata sa anda cu camara y cu por edith, pero tambe tin e grupo cu no tabata sa nada y cu nunca no a haci nada cu filma, y mayoria di nan ta e unico cu nan tabata por tabata filma cu nan telefon. Sinembargo Rebecca Roos ta indica cu e parti aki tambe ta importante unda cu e haya toolsnan con por traha cu nan telefoon y con nan lo por filma cu nan telefon. Tin diferente toolsnan den telefon cu por uza y por traha documentario cu esaki nan unda cu ningun hende no sa mes cu a uza un telefon pa traha e documentarionan aki, pero importante ta pa bo sa kico ta e toolsnan.
Den e curso aki tur hende tabatin un tarea importante durante di e produccion. Rebecca Roos ta duna di conoce cu tur dia e por tuma nota y tur dia ta topa personanan cu hopi talento na Aruba, pero loke cu Rebecca Roos mes ta trata ta, pa tuma un paso haciendo e cursonan aki pa e persona cu ta gusta e ramo aki profesionalisa, paso si mester dies di ta talento esey no ta suficiente. Di ta talentoso ta yuda hopi pero si no profesionalisa e no lo yuda pa e persona desaroya su mes den e mundo aki. Si pone e actitud profesional y e actitud di disciplina e ora e persona por yega leu. Na momento cu e persona keda descubri cu e tin e talento e ta wordo elogia pa e trabao , pero e no ta wordo pusha pa bay studia riba e ramo pa e bira un profesional na e ramo cu e ta gusta y esey ta di lamenta.
Sinembargo un pabien na tur esnan cu a haci nan curso y awo nan ta un stap mas padilanti di sa si esaki ta loke nan ta gusta y ta interesa den dje.
1 comment
[…] Source link […]