Nos ta acercando e temporada di mas calor di aña, esta July, Augustus y September. Kisas ta bon pa bisa cu e temporada por extende te luna di October.
Esaki ta debi na diferente motibo cu nos ta bai trese dilanti:
- Indice di rayonan solar cu ta mas grandi durante e temporada di aña aki
- Humedad halto den atmosfera cu ta ponebo sinti sofoca
- E cantidad di bes cu fluho di biento normaal ta wordu interrumpi door di
sistemanan cu ta pasa den region of ta forma pafo di region local pero tin
influencia riba e biento.
Asina nos por haña nos den e temporada aki cu olanan di calor cu por afecta e isla of e region.
Un ola di calor ta un periodo, usualmente 3 pa 5 dia, cu temperatura y humedad ta mas halto cu
normal. Nos no por bai contra naturalesa pero por purba hasi e efectonan di e calor aki menos.
Pa hasi esaki nos por hasi lo siguiente:
- No para hopi den solo; buska refugio; no expone bo mes dimas na rayonan di solo,
permanence mas tempo den sombra.
- Si ta necesariamente bo mester ta den solo usa crema contra rayonan di solo of sunblocker
- Bebe hopi liquido den forma di awa of juice; sinembargo e juice no mester tin muchu
sucu, sino e ta dunabo mas sed.
- Bisti paña di color licht; preferibel no usa colornan scur ya cu esaki ta bai ponebo sinti mas calor.
- Pa e hendenan cu ta gusta disfruta di lama, usa crema contra rayonan di solo: sunblocker
- Si bo ta cana den solo usa sombre, petchie of algo pa tapa bo cabes contra di solo, tambe proteje e bista contra e rayonan di solo usando bril di solo.
- Semper busca loganan ventila of sinta den airco mas tanto cu bo por pa evita calor.
- Prinsipalmente si bo ta sufri malesa di curason, sucu of precion halto, na e prome indicio di sinti bo curpa malo, acudi na un centro di atencion medico.