Polis y ambulance a keda manda cu urgencia riba e caminda di Watty Vos Boulevard atardi pa mas of menos 4:55 a wordo notifica di un accidente ariba Watty Vos Blvd. ,retonde Ponton pa direcion Bushiri.
Na yegada di polis a bin haya un Chevrolet Spark color blanco numera A-40313 boca abou y e curpa di e persona banda di e auto cu no ta duna señal di bida.
Ambulance a presenta na e sitio na unda a purba yuda e chauffeur masculino pero no por a haci nada mas pa e persona.
Dr Voskuil , dr forensico, ta constata morto di Jefferson Carrera Garcia naci 20 april 1993 ( 31 aña) na Venezuela. No ta conoci ainda kico por a causa e accidente sea cu ta velocidad halto , of un otro auto lo a mishi cu e auto y e la perde control , of si tabatin pustamento. Sinembargo e investigacion y e camaranan den bisindario lo saca afo kico por a pasa realmente.
Specialista di trafico a presenta na e sitio como tambe polis tehnico. Slachtofferhulp a presenta pa yuda cu famia di e fayecido.
Cuerpo Policial ta manda palabra di condolencia na famia di e fayecido
