Dialuna den oranan di mainta a inicia un reunion publico den Parlamento pa asina trata e presupuesto supletorio di pais Aruba. Tur 7 Ministers a duna acto di presencia y tabata henter dia den sala di Parlamento pa asina contesta diferente pregunta nan di Parlamentarionan cumpliendo cu nan trabou controlando gobierno esta e poder ehecutivo. Un reunion cu a dura 16 ora y a termina 130am di marduga.
/// Entrada di belasting a mehora recuperando cu 126.9 miyon:
Na luna di maart momento cu Covid 19 a drenta Aruba mester a tuma diferente medida pa savalguardia salud di henter pueblo. Efecto di Covid 19 tabata devastador y Parlamento mester a aproba un presupuesto 2020 cu un deficit di 1300 miyon. Den transcurso di henter e proceso gobierno a tuma pasonan concreto pa corta gasto y alaves crea fondonan di solaridad pa asina por juda esnan mas afecta. Asina a crea projectonan manera LOONSUBSIDIE, FASE y MKB pa juda cuidadanonan y comercio. Consecuentemente minister Xiomara Maduro a presenta e presupuesto supletorio cu un deficit di 1114miyon. Esaki a ilustra un mehoracion di casi 200 miyon florin cu a anticipa na inicio momento a aproba presupuesto na maart 2020. Mester remarka cu na belasting directo lo aumenta cu 60.9 miyon mas cu a presupuesta inicialmente alaves na belasting indirecto lo aumenta cu 65.9 miyon mas cu a anticipa den e promer presupuesto. Esaki ta mustra cu Aruba ta recuperando mas liher cu a anticipa y ohala mantene e ritmo aki pa na 2021 nos por mira un aña alentador.
/// Economia lo a cay cu 44.4% pero a finalisa mihor cu a prognostica:
Inicialmente di acuerdo cu calculacionan di nos proficionalnan economia lo a sufri un caida di 44.4%. Esaki sinembargo a wordo ahusta den luna di Mei na 33.5% momento cu tabata tin poko mas bista y informacion na data. Depues cu a habri frontera Directie Economische Zaken, Handel en Industrie (DEHZI) a bolbe ahusta esaki di acuerdo cu datosnan mas real den nan publicasion di 12 di Augustus na 28.5% di nos GDP pa cu aña 2020. Esaki ta un mehoracion di 15.9% den comparacion cu e promer prognosticonan. Economia a sufri un caida hopi menos cu a ser calcula na promer instante. Tambe ta muestra cu nos economia a “pick up” mucho mas liher cu nos a anticipa.
/// Deficit di pais Aruba a baha cu alrededor di 200 miyon florin:
Na inicio di e pandemia e deficit a ser calcula na 1300 miyon florin esta 1.3 biyon florin. Por a tuma nota cu desde Juni economia a cuminsa start up y tanto impuesto directo y indirecto a cuminsa drenta m,as cu a anticipa. Despues cu a habri frontera esaki a sigui mustra den e bon direcion. Finalmente e deficit di 1300 miyon florin a wordo ahusta na 1114 miyon di deficit cual ta casi 200 miyon menos cu a anticipa. Esaki sigur tambe ta un mihoe noticia. Ohala nos economia keda boost up rapido pa nos por recupera mas liher. Gobierno hasiendo su esfuerzo maximo la saca Aruba for di crisis economico aki. Nos ta riba e bon caminda
