Den e ultimo dos dianan tras di lomba Aeropuerto di Aruba tabata tin dos dia basta largo y dificil. Esaki ta un di e prome retonan di e gerente interino nobo cu Aeropuerto di Aruba tabatin. Jurgen Benschop, Chief Operations Officers a hiba palabra den e conferencia di prensa extra ordinario.
Aruba ta depende di turismo y Aeropuerto di Aruba ta e porta di e industria di Aruba unda cu tur pasahero ta drenta pa por bishita Aruba. Aeropuerto semper ta percura y ta haci su maximo esfuerso pa duna e miho inprecion na momento cu e turista mester drenta y Sali di Aruba.
Sinembargo problemanan tin tur caminda y na Aeropuerto di Aruba no ta un excepcion , situacionnan por pasa y den e caso aki na Aeropuerto di Aruba a haya señalnan cu den e coolingnan a manda e señal cu tin problema , esaki a tuma luga alrededor di 4 or di mainta unda cu tin problema y nan a shutdouwn. Asina aki e investigacion a cuminsa pa asina mira kico exactamente ta e problema y pa identifica e problema pa asina tuma accion mas lihe cu ta posibel. Den e caso aki e accion a keda tuma asina cu a constata cu awa cu ta core den e sistema di chiller cu ta conecta entre Utilities building y e terminal e awa su presion a baha y esaki a duna e indicacion cu tin perdemento di awa un caminda den e tuberia cu ta conecta e Utilities building cu e edificio di Aeropuerto.
Mesora a bay investiga y busca for di unda e awa ta perde den e edificio pero no a haya nada cu a conduci cu nan a bay wak e situacion pafo y atende cu e tubonan bou di tera y na unda cu a constata cu e chiller principal cu ta esun di mas diki y cu ta e unico chiller cu ta duna tur e awa for di e Utilities building pa e chiller nan y pa e terminal principal a kibra completo bou tera, e la skeer,rementa y kibra completamente, esaki ta significa cu tur e awa di e chiller a Sali afo y mirando e situacion aki e edificio di aeropuerto no por fria paso e no ta haya awa friu.
Na momento cu a detecta kico ta loke a constata a tuma e decision di para e procesamento di pasahero te na momento cu por saca afo con largo e proceso pa drecha e tubo lo dura pa asina por resolve e problema, a laga e vuelonan di trempan sigui nan rumbo mirando cu e momento ey ainda tabata fresco y solo no a sali ainda dus no tabata sinti e calor.
Despues cu a haya e resultado cu e trabounan cu mester tuma luga ta trabounan grandi a tuma e decision cu banda di 10:30 di mainta cera aeropuerto algun ora. E decision aki no tabata facil , pero a tuma e decision aki debi cu mester garantisa un ambiente safe pa nos pasaheronan, usuarionan .
Esaki ta debi cu na momento cu e temperatura a baha a cuminsa subi den e terminal 21,22,23 grado y tin un momento cu a yega 30 grado celsius y na unda cu full e terminal su flur a muha completo na momento cu e awa ta baha. Esaki ta pone cu e fluor ta bira riesgoso pa hende por cana y accidenta y lo crea un otro problema. Segun . Jurgen Benschop aki ta caminda cu e siguridad ta hunga un rol. Como un aeropuerto internacional tin un certificacion pa garantisa cu Aruba por opera Aeropuerto di Aruba na un manera safe ta pone cu safety ta bay na prome luga. Asina a informa y conhuntamente cu directie luchtvaart , autoridadnan di aeropuerto y managment team di aeropuerto ect ect a tuma e decision pa cera e aeropuerto inicialmente pa 3 ora cu a spera di por a resolve e problema den tres ora, pero durante dia a ripara cu esey no ta e caso y tin mester di mas ora pa por caba di resolve e problema.
Jurgen Benschop ta gradici tur e companianan cu tabata para eynan cla pa duna un man mesora pa bin wak e situacion , bin cu piesa , busca e materialnan necesario pa haci e cambio aki posibel.
Loke cu a pasa na Aeropuerto no por a evita esaki y no ta un situacion cu por a premira y tampoco e no tin nada di haber cu mantencion segun Jurgen Benschop. Ta trata aki di un tubo cu a kibra y e tabata un caminda cu ningun hende no por a wak e y no por a haci nada cu ne tampoco. Aeropuerto ta cera den e parti comercial, pero ta habri na general aviation y cargo.
Sinembargo despues di por a maneha e problemanan y percura pa e turistanan ta safe y contento, aeropuerto di Aruba a habri su portanan bek riba diasabra 10 di augustus 2024 pa 8 or di mainta. Aki por mira e bon maneho y decisionnan cu a keda tuma unda cu a busca e problema, atende cu e problema tecnico, atende cu problema di pasahero, tene cada turista contento na Aruba , pero tambe esunnan den exterior, soluciona e problema tecnico, soluciona estadia pa turistanan na Aruba y den exterior cu destinacion pa Aruba cu a bay baha na otro destinacion , reactiva e operacion di vuelo bek y trafico di turista nan cu mester bay y esunnan cu mester yega Aruba tambe. Aki ta un muestra cu nos Arubiano nan mes por maneha y percura pa un bon maneho di aeropuerto di Aruba. Pueblo di Aruba por ta orguyoso di su yiunan di tera.
Jurgen Benschop, Chief Operations Officers, Aisha Anthony, Chief Financial Officer y Barbara Brown, Chief Revenue Development & Communications Officer na cabes di tur e process y guia y decision nan cu mester a keda tuma. Tambe na tur esnan di un manera of otro a contrbui y a tambe tur trahador di aeropuerto cu a duna di nan parti y duna un man y mustra e servicio como bon embahadornan di Aruba pa atende y mantene e turistanan contento.
