ORANJESTAD, Aruba
Den oranan di merdia esnan cu tabata pafo por a tuma nota cu rond di e solo tin un bunita rainbow. Aunke cu e nubianan ta scur rond di e solo por a tuma nota di e rainbow. Nos redaccion di E Arubiano a haya diferente yamada y tambe video cu nan a manda y tambe bunita potretnan di diferente angulo di e naturalesa cu ta rondonando nos .
Halo (di Griego ἅλως, halōs) ta e nomber pa un fenomeno optico producti door di luz (for di solo of luna) den interaccion cu ijs cristalino cu a plama den atmsofera. Halonan por tin diferente forma, for di renchinan yen di color of blanco te na arconan of puntonan den shelo. Hopi di nan ta aparece banda die solo of luna, pero otronan ta tuma luga na otro area of hasta na puntonan opuesto di shelo. Entre e tiponan di halo mas conoci ta e halo circular, pilarnan di luz, y cachonan di solo, pero tin hopi forma mas, algun mas comun cu otronan.
E particulanan di ijs responsabel pa halo ta wordo haya hopi halto den shelo (den e parti mas halto di troposfera) pero den climanan friu nan por aparece tambe ta flota hopi abou, y e ora nan ta wordo yama na Ingles “diamond dust”.
