Nos tur sa cu Pandemia di COVID a trece un sufrimento grandi pa Aruba unda cu tabatin un daño economico financiero pa Aruba. Sinembargo pais nan den Reino Hulandes Hulanda ya caba tabata ofrece prestamo na interesnan hopi abou, pero na momento cu mester conta pa Aruba e rente abou no ta conta.
Hulanda a pone hopi condicionnan pa Aruba debi cu e tabata un prestamo unda cu a pone hopi condicionnan cu no tabata economico, pero tabata politico. Segun Minister di finansas y Cultura aki ta mira unda cu Hulanda ta duna un interes na e momentonan aki y por mira cu Aruba ta bay bek riba mercado internacional y ta haya esaki na 6.3% , dus cu otro palabra straño mes cu internacionalmente tin mas confiansa cu den Reino Hulandes tin cu Aruba.
Segun Minister Xiomara Maduro na momento cu tabatin discusion tabatin cierto momento, como minister encarga cu finansas y Cultura a tuma e decision cu ta pone un paro na locual cu ta e “herdenkingsjaar “ y tur locual cu ta encera e topico di sclavitud mirando kico Hulanda a haci cu Aruba den e parti di finansas y con e trato ta wordo hiba cu no ta uno cu ta concorda cu locual ta e despensa brinda.
E parti aki tambe a bay por escrito pa Hulanda y den e caso aki staatsecretaris di e momento ey Alexandra van Huffelen a indica cu a ricibi e carta. Den e carta na unda cu a pidi e reflexion, lamentablemente nunca no a bini di parti di Hulanda.
Pa e motibo aki Aruba no a participa den e aña di abolicion , pero ta keda Hulanda liber pa Hulanda mes por atende cu e plataformanan cu tin mes un manera cu nan ta atende cu ne den e otro partinan di Reino Hulandes, unda cu e personanan na Aruba cu ta ocupa nan mes cu e parti di sclavitud ta keda nan liber pa por atende cu Hulanda.
E parti aki a tuma luga tambe, pero for di gobierno di Aruba no ta sigui den e parti di disculpa. Sinembargo mester bisa si cu na Hulanda a cuminsa structura mas con lo bay trata tras di e coma manera cu e ser indica, di awo padilanti. Hulanda a pidi pa manda un representacion di gobierno den e comision “National Committee” , pero na mes momento gobierno a opta pa no haci esaki.
Minister di finansas y Cultura ta kere mes un cos cu staatsecretaris a trece padilanti unda cu mester trata otro cu respet mutuo manera cu e statuto ta indica, e ora e respet mester transforma su mes den un refleccion riba locual cu a keda pidi den e carta.
Esaki ta pone cu gobierno di Aruba no ta participa y no ta manda un representacion den e comision “National Committee” manera cu Hulanda a pidi. Pero na mes momento Hulanda ta liber pa por sigui traha y trata cu e comisionnan y plataformanan cu ta trata riba e topico di sclavitud.
Historicamente na Aruba riba e topico di sclavitud no ta biba hopi , pero loke cu ta biba hopi mas ta e topico pa Aruba sa di nos descendencia cu ta di e parti indigena cu nos contacto cu tera firme cu ta trata di Venezuela y Colombia cu Caribe. Segun Minister Xiomara Maduro e parti aki ta biba na Aruba y ta loke cu mas tin interes den pueblo pa asina por sa e historia. Sinembargo ta laga habri pa e topico di sclavitud pa e plataformanan cu ta interesa
