Aruba tin un gobierno comunista na poder y pueblo ta sufri. Berdad cu despues cu e gobierno aki cu a join CommonTrust Network dia 17 december 2020 cu ta forma parti di World Economic Forum, nos situacion a bira pio. Un di e punto cu World Economic Forum ta usa rond mundo ta “defund the polis” y asina nan por bin cu nan mesun cuerpo pa trapa riba derechonan di pueblo. Na Hulanda nos mira cu un ciudadano cu a manifesta pacificamente a wordo persigui mientras cu tin 70 mil keho duna contra di minister Hugo de Jonge pa menasa, instigacion y descriminacion no ta wordo persigui. Esaki ta locual netamente locual nos ta bibando den e tempo aki. Nos Cuerpo Policial falta di material, edificio den mal estado y ta sigui maltrata nos polisnan. Locual cu a pasa na Chicago awe nos ta bibe na Aruba.
Costo di bida a subi te den plafon y awor nos por mira cu nos caretera ta bashi. Un pueblo cartera bashi no por cumpra y automaticamento comerciante lo no tin. Situacion lo sigui empeora y gobierno lo no scapa di e wega dialbolico cu nan ta hungando. Promer Minister a caba di firma pa hisa edad di pensioen na 66 aña na 2025. Diabierna gobierno ta manda un mensahe pa empleadonan publico cu lo kita atrobe mas placa for di nan salario despues di a gaña e empleadonan publico cu lo haya nan 7.6% back.
A tira lodo riba nan contricante politico pero awor e djaka ta den cas. Na Arubahuis tabata fiesta cu placa di pueblo. Asina mes cu for di mei 2021 minister president tabata na altura di e situacion na Arubahuis no a tuma paso pa para e fiesta. E minister pleniponteciario ta resorta bao di minister president y ta responsabel pa locual cu ta pasa na Arubahuis. Awor si kier tapa e corrupcion cu a tuma lugar. Un partido raiz morto ta laga sa cuno tin problema cu no a entrega keho.
Promer minister ta papia di hasi e terreno di e refineria limpi perota regala Citgo 175 miyon dollar. Pais Aruba ta tur pluma for di unda lo saca placa pa hasi e terreno limpi?. Unda e gobierno comunista aki mishi ta daño so nan ta hasi. Nos a ricibi informacion cu companianan estatal a wordo usa pa emplea mas cu 200 persona ya cu nan no por a duna nan trabao den gobierno. Wel e solo ta bahando y e carreda di bina ta bai jega na su fin. Aruba no por cai na rudiya pa un gobierno comunista.
E districto di Oranjestad tin mas cu 36 aña sin ta conta cu un edificio drechi pa polis. Nos por corda cu na aña 1987 mester a muda e warda di polis for di Arnold Schuttestraat pa a traha un hotel. A drecha e edificio den Wilhelminastraat 40 cu tabata un banco y a transforme den un warda di polis. Ora cu a traha Centro di Husticia na Santa Cruz top di polis a bai sinta na Santa Cruz mientras e warda di polis den Wilhelminastraat tabata den decadencia. Esaki a tuma lugar prome cu 2005. Nos por corda cu na aña 2013 cu un parti di warda di polis tabata den un estado asina deplorabel y a move un straatdienst pa Judra Buiding na Dakota. E di 2 piso tabata tur na schimmel y a move e departamento pa Frankrijkstraat mientras cu Centrale Post y leiding di straatdienst a keda na Oranjestad. Despues di hopi lucha y para firme a logra muda na juli 2015 pa otro banda di caminda unda tabata Dimas na Wilhelminastraat 31/33. E polisnan no tabata na altura di e condicion di e edificio pero bin haya sa despues di e situacion te cu a laga tuma monster di e aire pero un dia prome a corre laga limpia e duct di airco. Segun cu nos por a compronde un persona conoci cu a traha den e edificio ey a haya problema cu schimmel y a bira basta malo. Tanto e gobierno di mep y avp e Cuerpo Policial den e ultimo 20 añanan no tabata importante. Awe nos Cuerpo Policial tin scarsedad di polis y ta sigui sacrifica e organisacion. Kiko ta e secreto su tras? Awa a pasa hariña y e miembronan di Cuerpo Policial no kier papia mas sino accion y cu tur rason di mundo.
Pa aña Aruba a wordo goberna pa hendenan cu sabiduria humano pero sin temor di Dios. Nan tabata asina orguyoso di nan sabiduria pero sin temor di Dios. E sabiduria humano a hiba nos den e desastre cu nos ta bibando. Berdad cu hendenan orguyoso Dios ta miranan di leu. Nos a jega na e cruzada pa nos busca Dios pa haya Su sabiduria pa sali for di locual cu pa hende ta mustra impossible. Nos mester di Dios pa transforma locual pa hende ta mustra impossibel bira possibel. Ta tempo pa yuinan di Dios jena cu e Spirito Santo di Dios goberna pa marca un differencia. Ta tempo tambe pa Aparta for di Core.