Ayera prome di october 2024 tabata un dia historico di Aruba, dos momento historico di Aruba uno ta positivo y e otro negativo. Pa loke ta trata esun positivo pa prome biaha den historia Aruba ta nombra e prome Ombudman despues di varios lucha contra di nombramento di un Ombudsman pa PAIS Aruba. Tambe Aruba principalmente politiconan parlamentario den oposicion a mustra e inmadurez politico cu awe pa historia Aruba ta e ultimo Pais den Reino Hulandes un defensor di pueblo.
Siguramente e forsa negativo cu no tabata kier un Ombudsman pa Aruba y principalmente no den constitucion ta bisa hopi di cada politico cu ta papia boca pafo cu ta traha pa e pueblo di Aruba, pero di paden ta traha pa nan propio interes, pero tambe di e Ombudsman nobo cu ta kere den e organo aki y lo traha na bienestar di e pueblo di Aruba cu hopi amor.
Un pabien sigur na mr. Jurima A.R. Bryson cu ta e prome Ombudsman hende muhe di Aruba pa por trece balanse entre inhusticia cu por pasa cu un ciudadano na momento cu e no ta wordo atendi y respeta na momento cu e tin derecho.
Sinembargo e show den parlamento ta e tristesa di mas grandi cu pueblo di Aruba por a mira, un sala di parlamentarionan opositor cu un cara di hipocresia ta felicita e prome Ombudsman di Aruba siendo cu nan mes a vota contra di su nombracion , contra di un defensor di pueblo , contra pa e por haya e poder den statuto pa e por eherce su autoridad y trabou pa pueblo di Aruba. Nan ta e parlamentarionan cu ta Sali pafo pidi voto y na mes momento ta traha contra di e pueblo di Aruba.
Aruba mester ta consciente cu Parlamentario Independiente Gerlien Croes di FUTURO a vota contra di Ombudsman, Parlamentario Arhur Dowers AVP, Parlamentario Mike Eman di AVP, Parlamentario Mike de Meza di AVP, Parlamentario Independiente Ryçond Santos do Nascimento e tempo ey AVP , Parlamentario Benny Sevinger di AVP, Parlamentario Mervin Wyatt Ras di AVP, Parlamentario Aguanette Gun di fraccion MAS , Lider di partido MAS Marisol Lopez y Lider di Accion 21 Minguel a vota contra di Ombudsman pa pueblo.
Un mainta scur den parlamento di Aruba unda cu politiconan cu interesnan diferente y no pa pueblo ta vota cu furia pa pueblo di Aruba no haya su defensor ta e mes un politiconan aki ta cana busca bo voto priminti bo y gañado cu nan lo traha pa bo , pero echos di berdad nan ta traha contra di e pueblo.
E mascara aki di cada un di nan ta tarea di e pueblo di Aruba pa stop y kita y mira realmente e politico cu bo kier duna bo voto si realmente e ta traha pa nos Pais y no traha cu promesanan individual, paso asina hamas Aruba lo bay padilanti.
Un momento pa reflexiona ken bo ta duna bo voto paso un frase cu un luchado pa su patria ta bisa claramente “ Den cas di mi tata no tin luga pa traidor “ y parlamento di Aruba ta cas di pueblo, unda cu parlamentarionan a vota contra pa un defensor di pueblo.
Kico ta e pensamento realmente di e politico cu a vota contra di un defensor di pueblo? e lo traha pa e pueblo realmente ?
