Integridad ta algo importante pa e HENDE tin den su “genen” “norma y balor”, no ta trata e posicion , pero ta trata di e HENDE cu tin e posicion di trabou. For di basta tempo por tende e palabra INTEGRIDAD ta resona den gobierno y den boca di diferente parlamentarionan, realmente integridad ta funciona den parlamento mes?.
Kico ta e leynan den parlamento cu ta pone e parlamentarionan cu ta representante di pueblo di Aruba traha segun integridad. Tin regla y ley pa parlamentarionan mes? Nan ta asina di nivel cu nan lo pone e mes un ley cu a keda traha pa gobierno pa nan mes como parlamentario ?
Si nos mester mira kico e palabra aki ta significa, awe parlamento lo tin basta stoel bashi cu parlamentarionan no por ta den parlamento y of lo no por bira parlamentario mes. Kico nan mes ta haci pa esaki ? , pa tin un miho parlamento, un parlamento cu dignidad, un parlamento sin mancha , un parlamento limpi, mane nan mes ta exigi di gobierno.
Un parlamentario ta trahando segun cu nan a huramenta hisa nan man dilanti gobernador bisando
“Zo waarlijk help mij god almacht”
Dicon e ley di minister no ta conta pa parlamento di Aruba? acaso den parlamento nos tin tur parlamentario husto y limpi di corupcion y pafo di husticia mane ta ser pretendi den reunionnan cu ta y cu ta den gobierno so tin iregularidad nan ta pasando.?
Pueblo ta esun cu ta scoge su parlamentarionan y ta importante pa pueblo exigi tambe pa cana den e mes un liña unda cu tanto gobierno y parlamento tin mes un regla y ley pa e politico por drenta e aparato sea como parlamentario of minister pa asina cuminsa haci un limpieza real for di inicio, ora drenta parlamento te pa bira minister. Si di berdad kier papia y implementa integridad e mester cuminsa for di e porta cu ta drenta prome cu ta hacie politico parlamentario y despues minister.
Tin e ley pa minister y no parlamento, esaki ta mustra cu ta trahando mane cangreu, y parlamento cu mester ta e voorbeeld ta esun cu su base ta putri. Con por ta?
Realmente e ley pa minister mester ta pa minister so of parlamentario tambe, ya cu ta via di parlamento un politico por bira minister y si di e porta principal ken cu ta por drenta , ta haya un parlamento con cu ta , pero cu no ta zomaar por bira minister paso tin un ley, pero por keda haci daño den parlamento. Awo esaki esaki ta husto pa pueblo di Aruba? Parlamento ta capaz di pone un ley pa nan mes? , mane e ley cu tin pa ministernan ? Con madura nos parlamento ta ?
Si e bloke parlamentario di oposicion a demostra pa vota contra di un ombudsman pa no ta den statuto pa no tin poder riba nan pa tik nan riba nan dede na momento nan ta traha malo pa e pueblo, e mes un bloke di parlamentarionan aki cu a firma contra di e supervision riba nan mes pa goberna pais Aruba miho, ta papia aki di integridad? Ta papia di parlamentarionan cu ta bringa corupcion? Si nos no cuminsa limpia e cas principal , con e fundeshinan por ta stabiel?
Parlamento mester cuminsa na su mes y cuminsa respeta e pueblo aki y duna un nivel halto den atende asuntonan di pueblo.
