Minister demisionario Rocco Tjon ta kere firmemente cu cuerpo policial ta haci un tremendo trabou pa garantisa siguridad den su totalidad, pero e wowo riba trafico ta bira hopi mas amplio . Segun Minister Tjon kisas hopi hende no sa pero na momento cu un persona comete un inflacion den trafico of nan rijbewijs caduca hopi biaha nan mester sigui un curso cu ta keda duna door di cuerpo policial, den e curso cu ta mara den e boet e ciudadano ta haya e instruccionnan pa haya e refreshment di kico por y kico no por. Hopi biaha un persona tin su rijbewijs pa hopi aña caba ya caba e ta bira un custumber y no ta mira peliger mas.
Tambe na momento cu KPA skirbi un boet esaki mester keda procesa y ministerio pubvlico mester tin e capacidad pa procesa tur e diferente boet nan. Pa e motibo aki mesa a introduci un team adicional cu ta traha na ministerio publico y specificamente pa atende e entrada di boetnan di trafico. Esaki ya caba ta canando bon. Debi cu e proceso ta cana bon e persona ta ripara cu berdaderamente e ta haya un boet y e mester paga esaki y cu e no ta wordo lubida.
Minister Tjon ta kere firmemente cu e iniciativanan aki lo bay tin su beneficionan y obviamente un aña despues di campaña lo mira e resultadonan. Den pasado a papia riba hopi blauw riba caya. E berdad ta cu material ta importante pero na mes momento mester di polisnan cu ta traha cu e materialnan. No ta un secreto cu Gabinete Wever Croes a inverti den hopi tecnologia den KPA y abase di tecnologia por preveni criminalidad, pero por resolve casonan hopi mas lihe tambe.
Gabinete Wever Croes a percura pa tur e radarnan cu a keda instala rond di Aruba , tur e camaranan cu a instala pa e parti preventivo y esaki ta mira beneficio di dje na momento cu ta wak e cifra di criminalidad cu a baha, pero sin duda personal den KPA ta keda importante.
Minister demisionario Rocco Tjon ta indica cu semper e la vocifera e parti aki , e no ta un secreto cu KPA mester di mas personal. Awo cu a caba cu a parti tecnico y tur cos ta na su luga , awo ta invertiendo den e parti di personal y e aña aki tin tres klas cu lo drenta unda cu tin mas di 50 polis ta keda forma e aña aki y otro aña ya caba tin den presupuesto pa dos klas mas. Esaki sigur ta positivo pa Aruba unda cu den un lapso di 1 aña y mey aña Aruba lo ta bay tin 90 polis extra ta bay drenta den servicio pa baha e scarsedad di polis cu actualmente tin den cuerpo policial.
Ta importante cu mas y mas mester garantisa e orden publico no ta un tarea di KPA so y tampoco di gobierno no, pero mester mira como e coalicionnan di siguridad entre otro cu otro partnernan den e cadena hunto cu sector priva.
Segun Minister Rocco Tjon un di e bunita ehempel nan cu a bin cu ne ta e Bike Patrol cu ta funcionando ron di e area di hotelnan, pero awo lo introduci tambe den area di oranjestad y uno na centro di ciudad na San Nicolas. Segun minister Tjon di e forma aki hunto cu sector priva bou di guia di KPA ta garantisa orden publico.
