ORANJESTAD, Aruba
Parlamentario Endy Croes ta keda precupa como cu e ta sinti cu Hulanda no ta tratando nos manera un partner igual. Mundo henter ta sufriendo di Covid 19 y paisnan grandi nan economia a sufri impacto fuerte. Aruba como un isla cu un economia chiquito basa primordialmente riba un pilar esta turismo a wordo afecta na un manera devastador. Rapportnan di entre otro Standard & Poors, Banco Central y di expertonan di departamento di Economia a illustra esaki hopi kla.
/// Hulanda a brinda ayudo na April, Mei y Juni:
Berdaderamente Hulanda a brinda ayudo como liquiditeitssteun, loonsubsidie etc durante luna di April, Mei y Juni. Esaki sinembargo no a bin sin condicion. Pa e di dos tranche cual a tuma lugar 1 di mei y 15 di mei Hulanda a bin cu varios condicion. Gabinete Wever Croes a percura pa hasi tur cos pa cumpli cu e condicionnan di Hulanda. Nos por compara esaki mescos un banco momento Bo ta presta plaka na banco e banco tambe tin su condicionnan y exigencianan. Pa con zuur kisas esaki tabata ta Gabinete Wever Croes a sa di cumpli cu entreotro rebaho di salario di 12.5% total di ambtenaar y empleadonan di tur overheids NV y 25% di salario di Minister y Parlamentarionan.
/// Hulanda ta keda preciona pa un entidad CHE:
No obstante tur e situacion critico cu Aruba ta pasando aden Hulanda ta keda preciona pa bini cu un Entiteit ( Caribische Hervormings Entiteit) CHE, pa atraves di e Entiteit aki lo presta Aruba y otro paisnan den Reino plaka. E forma con Hulanda kier ancra esaki den un Rijkswet ainda ta den discusion. Aruba mester trankilidad pa por sali di e crisis. Parlamentario Endy Croes ta condena masha hopi cu Hulanda kier abusa di tur confiansa poniendo presionnan imenso mei mei den un crisis. Mi ta bolbe enfatisa. Aruba nos ta contra ningun reforme y tampoko ta opone contra condicionan y a demostra esaki caba desde cu e gobierno aki a sinta desde 17 di November 2017. Pero condicionnan mester ta rasonabel y cargabel. Un ehempel no ta mira e nesecidad cu e Entiteit ta bay cumpra Shares den Airport, Elmar, WEB, Ultitities, RDA etc etc. Pues no ta compronde pakiko esaki ta ancra den e proposicion di Hulanda pa cu e Entiteit. A caso Hulanda kier bira doño di henter Aruba? A caso tur Directeur y Staff mester ta Hulandes dentro di 10 aña? Entre otro ta puntonan cu ta debatiendo ribanan. Lo spera recapasitacion di Hulanda pa nos jega na un acuerdo husto den crisis.
