Parlamentario Endy Croes a splica cu negosacionnan di RDA y Eagle LNG ta moviendo den e direcion corecto. Nos ta drentando e simannan crucial unda dentro di poco lo por anucia cu a yega na e acuerdo final cu fechanan concreto pa groundbreaking y aranca cu un proyecto cu lo cambia e rumbo di Aruba pa cu nos futuro generacion.
/// WEB ta keda parti di e strategia integral:
Eagle LNG ta un compania Americano apoya pa Consul Americano y ta carga e sosten total di gobierno Americano y tin den nan poder tur permiso pa por bende LNG gas cu region pafor di merca. Un compania multimiyonario cu tin hopi experencia den negoshi aki. Eagle LNG a transforma nan operacion pa hasie competitivo y mas barata cu nan competencia diseñando barconan modelo mas chiquito special pa e ruta region Caribe cual ta baha alaves nan costo di operacion enorme pa cu region Caribe unda automaticamente nan por ofrese prijs mucho mihor cu cualkier competencia. WEB ta un di e clientenan strategico den henter e proceso inicialmente pero no lo para keto solamente na WEB. RDA actualmente ta bende WEB HFO(heavy fuel oil) pa WEB por opera y traha Awa y coriente pero den futuro cercano esaki lo cambia unda RDA lo bende WEB gas enves di HFO(heavy fuel oil). Asina cu yega na un acuerdo final awor den luna di April unda RDA y Eagle LNG firma nan contracto final pero alaves RDA y WEB firma nan contracto final pa cristalisa e proyecto aki Pueblo por ta orguyoso y contento paso e refleho final ta pueblo lo bay sintie y bibe. Prijs di awa y coriente lo bay ta stabiel pa proximo 20 aña nos dilanti y lo conose un rebaho real. Esaki ta nos promer paso pa e exito total. WEB lo bay core mucho mas limpi y asina Aruba lo cuminsa cumpli parcialmente cu e convenio di Paris 2050. Pues WEB lo ta pushando menos CO2 ( Carbon Dioxide) den aire cumpliendo asina cu e vision a largo plazo pa cu medio ambiente. Esaki ta parti di e strategia total unda WEB ta hungando un rol importante pa pais Aruba. Un inversion directo di 185 miyon dollar di Eagle LNG den economia di Aruba cual lo crea alrededor 120 cupo di trabou inicialmente.
/// Eagle LNG lo expande cu un Bunker Station:
Despues cu partidonan RDA/Eagle LNG/WEB firma e contractonan final corespondiente awor den luna di April lo bay tin mas proyectonan bunita na caminda. Eagle LNG entre otro a duna e compromiso riba peticion di Aruba cu nan lo inverti den un siguiente proyecto esta construi un Bunker Station cual mi lo amplia riba dije den un otro articulo. Pues Aruba transformando y construyendo pilar nan nobo economico banda di nos turismo creando un economia sostenibel y mas resiliente. Gobierno di Aruba atendiendo Covid 19 na e mihor forma posibel y banda di esaki ehecutando un vision acopla na un strategia cual lo agilisa nos recuperacion economico cu inversionnan miyonario entre otro di Eagle LNG. Gabinete Wever Croes un gobierno cu curashi y vision manehando e situacion cu inteligencia y determinacion
