Na aña 2021 Aruba tabatin su di 31 eleccion cu a pasa. For di aña 1948 a pasa e ley cu derecho di voto pa Aruba. Awor aki dia 6 di december ta bay ta e di 32 ocasion cu Aruba ta bay tin su eleccion politico. Aruba a bay 11 biaha pa e eleccion di staten di Antias, Aruba a bay pa di 9 biaha pa eleccion di eilandsraad , pa loke ta trata e eleccion ultimo 2021 ta 11 biaha cu ta eligi miembronan pa parlamento di Aruba, e prome biaha tabata na aña 1985.
Eleccion proximo di dia 6 di december 2024 lo ta bay ta e di 12 biaha cu Aruba lo bay urna electoral pa asina eligi parlamentarionan pa parlamento di Aruba desde status aparte. E aña aki lo ta bay tin 11 partido politico cu lo participa den eleccion 2024. Ta trata aki di partido MAS-PPA-RAIZ-HTC-CURPA-FUTURU-RED-ACCION21-MEP-AVP.
Aruba a bin ta conoce 8 partidonan nobo durante aña y tambe un partido cu a yega di marca historia caba den pasado cu lider nobo esta PPA, tur esaki banda di e dos partidonan cu pa varios aña tabata partidonan grandi di Aruba esta MEP y AVP tambe ta den eleccion.
Na mes momento Aruba tambe ta para na un punto crucial cu negociacionnan cu Hulanda y stabilidad di e PAIS. E eleccion aki ta uno sumamente importante pa Aruba y crucial , importante den tur proceso di eleccion ta cu e pueblo ta bon informa , sa con Aruba ta para , kico ta e intencionnan di cada politico, y sa e direccion cu cada partido politico tin pa Aruba.
Sinembargo pa diferente aña e sistema populismo a hunga rol riba decisionnan di voto, ta conoci cu Aruba a yega di vota pa politiconan good looking, e hende homber nechi y atractivo cu body y e hende muhe bunita , cara y curpa bunita, esaki no lo hiba Aruba ningun caminda pa esunnan cu kier vota pa populismo y of bunitesa.
Diabierna awo Aruba lo tin e derecho di vota y despues di esaki ta e muestra di loke e pueblo di Aruba vocifera lo mester transforma e gobierno nobo.