Aruba Lions Club ta recorda diferente proyecto exitoso y ta gradici comunidad di Aruba pa nan aporte

Lions Club  ta forma parti Lions Club Internacional y ta existi for di aña 1947 y ultimo tin un otro Lions Club na Aruba cu ta One Happy Island Lions Club cu tambe ta traha riba e mes un meta nan pero tin miembresia diferente.  

Sinembargo Aruba Lions Club ta focus riba hopi proyecto cu ta conoci den comunidad manera proyectonan di hospital box y  smilemobil. Tambe den pasado Aruba Lions Club a yuda funda cas di cuido SABA , tambe a asisti pa funda FADA, FEPO. Tin diferente proyectonan cu Aruba Lions Club pa hopi aña a traha riba nan. 

Aruba Lions Club ta den su 75 aña di existencia y den esaki a logra cu ta hopi reconoci den comunidad door di e proyectonan boluntario cu ta keda haci durante di henter aña. 

 Den e aña leonistico 2022-2023 cu ta bay tremina Aruba Lions Club a haci diferente proyectonan y a logra di ta exitoso. Aña pasa un directiva nobo a sinta unda cu Presidente Rubin Ponson mes tabata presidente y a pone man na obra pa cuminsa cu e celebracion di 75 aña di Aruba Lions Club cu tabata den luna di september. 

Na mes momento tabatin un rifa di auto andando y cu tabata hopi exitoso y ta gradici comunidad di Aruba  cu constantemente  ta apoya  Aruba Lions Club cu su actividad  pa asina por yuda otro cu ta den  mas den necesidad.  Aruba Lions Club ta gradici henter comunidad cu semper ta yuda pa para semper tras di Aruba Lions Club. 

Tambe Aruba Lions Club ta conoci pa su rifa di cas caminda cu mas di 65 aña unda cu a rifa un total di 66 cas rond di Aruba exitosamente. Te ainda hopi ta e preguntanan ki dia lo bin bek cu rifa di cas, berdad ta cu Aruba Lions Club ta hopi conoce cu su rifa di cas , pero sinembargo rifa di cas ta bira hopi dificil pa awendia por logra rifa un cas. Rifa un cas ta e fundraising di mas grandi cu Aruba Lions Club a haci. 

Den e aña leonistico despues cu e celebracion di 75 aña y e rifa di auto a tuma luga  a dicidi cu lo habri aña 2023 cu hopi mas proyecto na caminda pa e comunidad di Aruba  pero tambe pa haya mas boluntario cu lo kier bira miembro di Aruba Lions Club pa asina e team bira mas grandi y cu por sigui yuda e comunidad di Aruba y esunnan cu mas tin mester.