Aruba Lions Club sumamente contento cu instalacion di fellow Lion Ivan Croes cu a keda nombra como Distric Governeur pa 2023. Den cas di Aruba Lions Club a tuma luga un brindis y un bon bini bek na Distric Governeur Ivan Croes cu a caba di yega for di Boston, unda cu a keda nombra Distric Governeur di districto 35N. E ta e di 4 Arubiano cu a tuma un puesto asina importante pa loke ta trata Lions Club Internacional.
Den un atardi ameno presidente di Aruba Lions Club Rubin Ponson a hiba palabra y ta sumamente orguyoso di Fellow Lion Ivan Croes cu su nombracion. Pa Aruba Lions Club mes esaki ta significa algo hopi grandi. Si mester mira e trayectonan cu mester pasa aden pa por yega na un posicion asina aki no ta nada facil, tin hopi esfuersonan cu a wordo haci tanto fisicamente, finansieramente unda cu mester inverti hopi y e ta costa hopi energia pa por logra di bira un Distric Governeur.
Den e weekend tras di lomba tabata full un weekend yena cu e Distric Governeur nan di rond mundo tabata presente den diferente actividad nan y tabata un bunita momento pa por mira e paradanan cu a tuma luga den cayanan di Boston unda cu por a tuma nota di Fellow President cargando e bandera di districto incluyendo esun di Aruba tambe unda cu miles di hende cu ta para canto di caminda cu ta wak e parada grandi.
Sigur Aruba Lions Club ta sinti hopi orguyoso di por mira e momento aki unda cu e bandera di Aruba y esun di Aruba Lions Club ta identifica nos como Arubiano aya na Boston, esaki sigur ta un momento grandi pa Aruba.
Ivan Croes ta e di 4 Distric Governeur cu Aruba Lions ta conoce , e prome tabata na 1964 tabata Lions Oscar Marugg, na 1985 tabatin Lions Elias Fingal y na 1999 tabata Lion Frank Croes cu despues a bira e consul charman, y awe despues di mas cu 20 aña Aruba Lions Club ta orguyoso cu pa 2023 Ivan Croes ta Distric Governeur pa districto 35N.
Presidente di Aruba Lions Club Rubin Ponson ta sumamente orguyoso pa tin un Lion asina den club y sin duda e por conta cu tur e miembronan den club y na mes momento lo trata di haci e aña aki un aña grandi.
Click aki bao like y share
