Hunto cu su miembronan Aruba Lions Club na su club den Engelandstraat a sera e aña 2022 despues di sende nan pagara por a ricibi e bon mensahe y deseonan di un dushi dande.
E anochi a bai den bon ambiente despues cu e presidente di ALC Lion Rubin Ponson a pasa su mansahe caminda a elabora riba e diferente projectonan cu a wordo realisa den e aña 2022 y asina ta kla pa sali den 2023 cu hopi energia y pa cada un por stimula otro pa hasi e aña nobo uno exitoso y cu mas projectonan pa Aruba Lions Club.
Aruba Lions Club recientemnte a instala un gran cantidad di miembronan hoben den su Leo Club y tambe algun miembro den Aruba Lions CLub y a re-integra 4 miembro legendario cu ta miembronan honorario internacional.
A instala dos miembro nobo den e club di leonnan cu ta Lion Linda Ponson y Lion Jaqueline Fernandez de Orfao.
Despues a sigui e re-integracion di cuatro miembro legendario cu ta Lion Robert “Chobby” Croes, Lion Satish Daryanani, Lion Elbert “Ebby” Arends y Lion Horacio Oduber.
Den e Leo Club cu ta e hobennan entre 11 pa 18 aña cu ta wordo prepara pa un futuro pa por sigui sirbi como voluntario den comunidad, a instala un cantidad di 13 miembro nobo.
Leo Club ta sigui pa recluta mas miembro y asina kier informa tur mayornan cu tin yuinan interesa pa forma parti di e club caminda cu e hoben por siña hasi trabounan voluntario pa comunidad y alavez siña traha hunto y tene reunionnan pa projectonan.
Cu esaki directiva di Aruba Lions Club kier a gradici tur su miembronan pa por sera un aña 2022 exitoso pa e organisacion, y tambe ta gradici henter e pueblo di Aruba cu semper a sa di aporta y apoya Aruba Lions Club den su projectonan pa por juda esnan den necesidad.
Sin falta nos media of miembronan di prensa cu semper ta porta habri pa juda ALC den cualkier projecto.
Aruba Lions Club ta desea henter e pueblo di Aruba un feliz fin di aña y cu e aña nobo 2023 por trese hopi cos bon y bendicion pa nos comunidad.
Pa mas informacion di Aruba Lions Club por bishita nan website arubalionsclub.org of nan FB page Lions Club of Aruba, of semper por aserka cualkier miembro pa ricibi cualkier informacion.
