Dialuna atardi a tuma lugar un conferencia di prensa yama pa Instituto Biba Saludabel y Activo (IBiSA) pa participa na comunidad cu e ‘Aruba International Half Marathon 2021’ ta tuma lugar e aña aki den forma virtual.
Sr. Edgar Erasmus, di parti di Management Team di IBiSA a habri conferencia di prensa yamando tur presente bon bini y a splica cu e careda e aña aki no ta manera e añanan anterior pero lo ta virtual.
Despues a pasa palabra pa Sr. Rodymar Geerman kende ta coordinador di e careda y a trece varios punto dilanti cu mester tene cuenta cu nan.
Esnan cu a inscribi aña pasa y a paga so lo por participa na e careda aki ya cu aña pasa e careda aki tabata sold out, pues no por acepta ningun inscripcion mas.
Ta importante pa avisa cu e evento aki ta un evento cu a pospone di 2020 y den cooperacion cu KPA nos por laga e participantenan core den un manera virtual den 2021.
Cada participante lo bay ricibi un mail na unda nan lo por indica e dia, ora y ruta cu nan ta desea di core. E ta first come first serve.
4 fechanan di evento ta 18, 19, 20 y 21 di maart y ta bay tin 3 ruta caminda esnan cu a inscribi por scohe pa core.
18 y 21 di maart ta pa core 21km individual,
19 y 20 di maart ta pa core relay, cual lo ta 5km.
Relay teamnan mester core riba mesun dia y riba e mesun ruta pero no por core riba unh otro orario.
Diabierna 26 di februari e app Sporthive Live lo ta disponibel cu tur informacion y tur e cambionan necesario. E link lo wordo poni riba nos medionan social.
Tene na cuenta cu dianan 1, 2 y 3 di maart ta solamente pa haci cambio.
Splicacion di e cambionan !!
Dianan 10, 11 y 12 di maart por pasa busca e pakete di participacion for di 8or am te 4or pm.
IBiSA lo ta bay ta riba ruta tur e 4 dianan pa controla pa tur coredor mantene nan mes na e reglanan vigente.
Premiacion: categoria top 3 den male y top 3 female
U20, 20-29, 30-34, 35-39, 40-44, 45-49, 50-54, 55-59, 60+
Student relay ta 1-2-3
Open relay ta 1-2-3
Corporate relay ta; male, female, y mix. Esaki ta aplicabel solamente pa esnan cu ta traha den mesun compania.
Overall male 1-2-3
Overall female 1-2-3
Pa mas informacion por mail nos riba Aruba International Half Marathon@gmail.com; aihm.ibisa@gmail.com
