Despues cu gremionan a keda invita den parlamento dia 22 di juni ultimo no ta conoci si gremionan a haya contesta si lo atende cu nan puntonan cu a keda treci den parlamento y si algun di e puntonan lo keda ahusta den e ley.
Sinembargo loke cu si EA News ta na altura di dje cu un carta a keda manda pa gobierno unda cu minister di economia Geoffrey Wever, Minister di Turismo Dangui Oduber y Minister di finansas Xiomara Maduro a ricibi y na unda cu gremionan ta hala atencion di gobierno cu nan a tuma nota cu lo cuminsa tuma luga e deliberacionnan relaciona cu e introduccion di BBO/BAVP/BAZV na importacion. Gremionan a dicidi di manda un carta pa considera algun puntonan den e ley urgente cu ta lo siguiente.
- E texto di ley actual ta limita e compensacion di e 7% di impuesto riba volumen di trabao cu ta wordo paga na importacion contra e BBO a ser colecta for di clientenan pa comercio di producto (handelsgoederen) so. E ley no tin e definicion cla di mercancia y ehempelnan limita den e Notanan Explicativo, cu lo ta crea hopi debate tocante loke ta wordo considera cuminda comercial y loke no ta. Tambe ta dificil pa administra y dificil pa e departamento di impuesto controla.
- E Notanan Splicativo (Memorie van Toelichting) ta exclui specialmente restaurantnan y hotelnan for di eligibilidad pa offset, aunke den conferencia di prensa di gobierno dia 22 di juni a menciona cu e restriccion pa restaurantnan lo ser kita. Ningun guia mas of a presenta un fundamento legislativo.
- Tur empresa y tienda, hasta esunnan cu ta bende solamente “handelsgoederen”, ta importa cu no ta pa bende. Ehempel: forklift pa deposito, ekipo, suplemento, producto ta rekeri pa acuerdo di franchising, itemnan no disponibel riba isla, etc.
- E limitacion di cuminda comercial tin un efecto directo riba e costo pa tur negoshi y consecuentemente riba prijsnan di consumo.
- Den e ultimo 10 aña, e gastonan di haci negoshi a aumenta considerablemente, pa motibo di medidanan anterior manera:
- Cu e introduccion di un costo adicional di 7% pa importacion, tur prijs di Aruba lo subi ainda mas,
- E aumento di gastonan di cada empresa lo wordo agrava door di e hecho cu cada vendedor local cu ta suministra of servi nan tambe lo mester aumenta nan prijsnan.
- Specificamente, e lista di restaurant y hotel for di e offset ta discriminatorio y simultaneamente ta crea un crecemento inmenso den e costo di haci negoshi, cu ta resulta den un costo mas halto di cuminda pa lokaalnan y pa turista.
- Aruba ta wordo considera un destinacion turistico caro, y e medida aki lo haci restaurantnan (y otro negoshi) mas caro, aumentando e riesgo pa e industria.
- Si un supermercado ta permiti pa transforma nan galiña importa den salada di galiña y ta permiti pa compensa e BBO ( segun e conferencia di prensa di Gobierno dia 29 di juni), e restaurantnan tambe mester wordo permiti pa cushina e galina y ta eligibel pa e compensacion. E trato igual den ley ta esencial.
- E hecho cu e limitacion di producto di comercio lo causa un aumento asina grandi di prijs y un carga pa comunidad local, ta rekeri cu e limitacion ta ser elimina for di ley. Pa medio di e eliminacion di e termino “handelsgoederen”, e ley ta bira menos dañino pa negoshi y comunidad. Cu e cambio aki, e ley ta mas cerca di e sistema di BTW preferi y un aumento di entrada di impuesto lo keda logra pasobra e ta obliga negoshi cu ta opera na e economia informal pa paga na importacion.
- E motibo cu representantenan di gobierno ta duna pa mester di e limitacion di comercio di producto den ley, ta cu gobierno mester di e rectornan mas halto pa paga debe. Sinembargo, di otro banda nos gobierno ta emiti bononan, na un costo di 6,5% di interes, pa recauda capital mientras cu prestamo di menos interes ta disponibel via Hulanda. Mientras tanto no tin transparencia riba e entrada excedente cu Gobierno a ricibi desde cu a aumenta BBO cu 1%.
- E aumento di entrada pa Gobierno por ser logra cu e siguiente esfuersonan combina: A. E BBO na frontera (sin e limitacion di comercio di mercancia) cu lo wordo colecta for di negoshi cu actualmente ta opera den economia gris y for di residentenan cu ta importa mercancia. B. e excedente di e aumento di 1% di BBO, C. Aumento di ehecucion y cumpliencia di impuesto. D. Reduci gastonan di gobierno y reduci e carga cu comunidad ta carga pa financia e aparato di gobierno. Gremionan den nan carta ta urgi gobienro pa considera eliminacion di e termino “trade goods” (handelsgoederen) for di e ley y eliminacion di e exclusion di hotel y restaurant for di e Notanan Explicativo, pa evita aumento enorme di prijs na Aruba.
- Asina e carta di Aruba Food & Beverage Association y Aruba Hotel & Tourism Association ta indica
1 comment
[…] Source link […]