E aña aki, Aruba Fashion Week ta celebra su di 5 aniversario di 28
di november pa 1 di december 2024, na The Ritz-Carlton, Aruba. E conferencia di prensa oficial a tuma
luga dialuna mainta na e suite di The Ritz-Carlton Aruba, caminda organisado, socio y media local a reuni
pa comparti tur e detayenan fabuloso di e edicion aki.
Den transcurso di e cinco añanan aki, e evento aki a converti den e showcase principal di moda den
Caribe, trahando como un plataforma di nivel halto pa e diseñadornan local, regional e internacional,
estilista, modelo y profesional di e industria. Ángel León Jr., fundado y director, a señala cu, ora cu pone
hunto e cultura di Caribe cu moda, e Aruba Fashion Week a hisa e visibilidad di e talento di moda
Caribense den e escenario mundial.
Highlights di e Evento:
Aruba Fashion Week 2024 ta conta cu un programa dinamico durante tres dia, manera Elizabeth
Guanipa, Head of Communications a splica:
Kick-Off Party (28 di november 2024) – Celebra e inicio di Aruba Fashion Week den e fabuloso
hardin di Bohemian Restaurant, caminda diseñador, modelo y amante di moda ta reuni bou e
luznan briyante. Disfruta di cocktailnan exkisito, pasaboca delicioso y musica en bibo den un
atmosfera vibrante cu ta combina estilo y naturaleza, estableciendo e tono perfecto pa un
anochi di elegancia.
Welcome Cocktail (29 y 30 di november 2024) – Cuminsa e anochi cu un elegante Welcome
Cocktail den The Lobby Bar di The Ritz-Carlton, di 5 pa 6 p.m. Conecta cu e diseñador, modelo y
fanaticonan di moda mientras ta disfruta di cocktail, creando un atmosfera emocionante net
prome cu e desfilenan ta cuminsa.
Anochi di Apertura (29 di november 2024) – E evento ta cuminsa cu un espectacular desfile di
moda cu ta presenta coleccion di Touche Collection di Colombia, Altagracia di New York y nos
mesun Maison Ryon, entre otro, hunto na marcanan internacional famoso di moda.
Di dos Anochi di Moda (30 di november 2024) – Riba e di dos dia, e evento lo tin diverso
presentacion di pasarela, incluyendo Essence x Maria Isable di Hulanda, New Model di Corsou y
un clausura di Ronchi de Cuba.
Showroom (1 di december 2024) – Pa culmina e celebracionnan, e evento lo conta cu un
showroom interactivo caminda e invitadonan por conoce e diseñadornan, explora e inspiracion
tras nan coleccion y cumpra piesanan exclusivo directamente di pasarela.
Fashion Party (1 di december 2024) – Join nos den e Fashion After Party na House of Mosaic pa
celebra otro edicion exitoso. Baila henter anochi den un ambiente elegante cu e miho DJ's,
cocktailnan creativo y un grupo anima mientras ta brinda pa e miho momentonan di moda!
E modelo local Shekainah Daal lo tin un dobel funcion e aña aki, encarga cu e showroom y desfilando
riba e pasarela. El a splica e oportunidadnan maraviyoso cu e Showroom ta ofrece pa marca,
cumpradonan comercial y amantenan di moda.
Plataforma pa Profesionalnan di Moda
E icono local di moda y Hefe di Operacion pa e evento, Fernando Mansur, a sigura cu Aruba Fashion
week ta mas cu djis un serie di desfile di moda; e ta un plataforma colaborativo cu ta fomenta e
crecemento y conectividad entre profesional di moda di henter Caribe. Door di duna un espacio di
profiel halto na diseñador, estilista y modelo, e evento ta hunga un papel fundamental den e expansion
di e influencia Caribense den moda global, promoviendo e crecemento economico regional a traves di e
industrianan creativo.
E diseñador di moda di Aruba, Ronchi de Cuba, a destaca con Aruba Fashion Week ta brinda un
plataforma tanto pa e diseñadornan veterano como pa e talentonan nobo. Yahira Santoni di The Ritz-
Carlton Aruba a expresa cu Aruba Fashion Week ta fit perfectamente den e mercado di lifestyle d luho di
e hotel prestigioso. Junior Arends a papia den representacion di e Departamento di Cultura Aruba, y Tita
Iglesias a representa un di e socionan principal, Aruba Tourism Authority.
Entrada y Punto di Benta
E carchinan ta disponibel na Eventbrite, cu opcion pa admision general y experiencia VIP, cuminsando na
$50. Tambe por cumpra bo entrada na e siguiente puntonan:
Super Food
Valero Boulevard
La Espiga de Oro en Ponton
D Shop
C-Mart
Body Zone cash only
Trash by Ronchi
Of yama 7487016
E paketenan VIP ta inclui luga exclusivo, acceso na lounge priva y oportunidad special di networking cu
diseñador y lidernan di e industria.
Pa haya detayenan completo di e programa, e itinerario di diseñador y e opcionnan di entrada, bishita e
website oficial na www.arubafashionweek.com. No perde e oportunidad unico di celebra e excelencia di
moda Caribense y ta parti di 5to aniversario di Aruba Fashion Week!
Tocante Aruba Fashion Week:
For di su creacion na 2020, Aruba Fashion Week a converti den un evento lider di moda den e region,
promoviendo Aruba como un centro de moda y cultura den Caribe. Aruba Fashion Week ta atrae e
diseñadornan top, modelo, influencers y profesional di e industria rond mundo, ubicando e isla ainda
mas como un mercado innovativo y prospero pa loke ta lifestyle, moda, luho, bienestar y turismo di
nivel halto. Aruba Fashion Week ta posibel danki na Aruba Tourism Authority, The Ritz-Carlton Aruba,
Marriott Resort Aruba & Stellaris Casino, Courtyard by Marriott Aruba Resort, Kok Optica, Swift Trading,
Celine, Givenchy, Dior, Loewe, Tom Ford, Departamento di Cultura de Aruba, UNOCA, Kerastase, Revlon,
Elite Productions, Bohemian, House of Mosaic, Sun Bum Beach, Caribbean Print Center, Digital View,
360 Viewer, Romano Travel & Logistics, Bodegas Papiamento, Cava Wine & Spirits, ID Realty Group,
Smart Rent, C-Mart y Verbum Works.
