Dia prome di september ta dia di prensa y Aruba Bank pa varios aña ta para keto un rato riba e dia aki y duna atencion y aprecio na e medionan di comunicacion. Trabou di Media den su totalidad no ta esun di mas facil y no ta esun di mas gusta tampoco. Pero tur dia e tarea t’ey pa sea trece informacion positivo of negativo padilanti pa asina e pueblo keda bon informa den loke ta pasa riba nos isla.
Aruba Bank ta mira e importancia di e trabou aki y ta pone tur e fotografonan, reportero, Camaraman , journalist sea ta di noticia y deporte laga nan aparato un banda , aunke esey ta hopi dificil paso den henter e evento e trabou a sigui . Pero a saca cada un di nan di nan trabou diario pa ta un rato nan mes y pasa un rato alegre kita nan mente den loke ta trabou cu practicamente ta 24/7 den nan bida diario.
Aruba Bank a percura di pone un atardi cu un Bingo Musical unda cu por a pensa kende nan ta canta y alabes a haci diferente weganan gracioso y asina por a pasa un atardi diferente cu normalmente e trabounan diario ta tuma luga cu stress y preocupacion mayoria biaha. Tabatin e grupo ganador cu a gana e Bingo musical full card y tambe tabatin un grupo cu a gana di ta e grupo mas anima. Aruba Bank a parti diferente premio riba e atardi aki pa e medionan di prensa.
Tambe na final a haya un bunita tas di Aruba bank cu varios cosnan lekkers cu ta bay haci nos tur mas gordo , pero sigur ta di aprecia y ta gradici Aruba Bank pa e atencion y dedicacion pa cada un miembro di prensa. Tambe Santos Cafe cu a brinda tremendo snacks y cos di bebe riba e atardi aki.
Un danki na Aruba Bank
