Aruba Bank a contribui na torneo di futbol Pal Mundo

Un fin di siman remarcabel di deporte!

E prome torneo di futbol Pal Mundo Furioso a termina cu gran exito, marcando un fin di siman yen di competencia, camaraderia y spirito comunitario. E evento a tuma luga na Yara na Savaneta, caminda a reuni amantenan di futbol cu edad di 40/50 plus pa un torneo memorabel.

E torneo Pal Mundo Furioso, organisa pa Furioso, tin como meta pa celebra e amor pa futbol mientras ta fomenta un sentido di unidad  entre e hungadonan y publico. E evento unico aki a trece participantenan for di diferente clubnan, cada uno cu a contribui na e atmosfera vibrante cu a domina durante henter e fin di siman.

E torneo tabata tin ekipo di hungadonan cu experiencia di edad 40/50 plus, cu a competi cu pasion den un ambiente amistoso. E wega a mustra un bon mix di habilidad, experiencia, y e simpel alegria di hunga e bunita deporte di futbol.

Aruba Bank ta contento di por a hunga un papel vital pa sigura e exito di e evento. Pabien na organisadonan pa un tremendo evento!