DESPUES DI VARIOS CONTRATEMPO CU FAYO DI CORIENTE Y AWA SERO
Diasabra ultimo, Aruba den su totalidad a haya un apago di luz pa varios ora. Durante e presentacion di Gang di Arte cu a tuma lugar den Aruba Art Fair, derepente a susede un total blackout. No obstante, gracias na e generators di ELITE Productions tur e evento a keda normaliza den e cayanan. Musica, danza y varios bon pop up restaurantsen especial Marhaba Aruba a percura pa e bishitante sintie na cas y no kier a bay cas. Den e galerianan tur tabata drenta cu nan flashlight pa por aprecia e artenan y hasta masha hopi arte a wordo bendi.
Aruba Art Fair e aña aki bao di e guia di e curator Renwick Heronimo, a conta cu un desteho di arte contamporaneo. Galerianan tabata luci e bunita collection di Sticusa y tambe e pinturanan di e mihor collecionan di stampia den tur e añanan. Un gran cantidad di artistanan cu pa masha hopi tempo no a expone a haya nan caminda pa Aruba Art Fair y tabata hopi entusiasma y ta yena di plannan pa sigui pinta di awor en adelante.
Grandinan manera Nigel Matthew ta sinti cu e por bolbe pinta y dedica na Arte, despues di un temporada largo di luto. Miranda Gielen ta un di esunnan cu semper ta participa y ta yega an bende tur su fantastic obranan.
Alydia Wever, Mo Mohammed Y Vanessa Paulina ta entre esunnan cu a trese vario obranan grandi cu a acapara masha hopi atencion di e bishitante.
Yahaira Maduro, designadora, pintura cu un sistema unico di crea un erupcion di color fantastic a mira un di su pintura gigantesco cambia di hogar, na momento cu un collecionador a tuma e obra pa decora y duna un mensahe special na esunnan cu ta bishita su negoshi.
Damilice Mansur tambe a trese su belleza di arte pa despleha na bista di e bishitante. Orguyoso semper di su fineza y su amor pa creacionan unico.
Paul Wong, sigur tabata un di e favoritonan pa su diversidad y su trabao exepcional.
Diadomingo e Art Fair a haya un otro desapunte dor di e mal tempo. Un derumbe di awa torrencial cu a dura por lo menos un ora e percura pa un cancelacion ya cu no ta factible pa tin tanto wayanan di corriente den e cayanan, mientras e bishitante ta can rond.
Ta pa e motibo aki cu e organisadornan ta habri tur e galerianan pa e diabierna y diasabra aki. Desde 7 or e cayanan lo bisti di nan mihor vestuario pa yama tur amante di arte un biaha mas bon bini.
Aruba Art Fair 2023 ya ta den preparacion y lo tuma lugar den e siman di 4 pa 10 di September 2023.
Un danki en especial ta bay na Mondriaan Fonds Caribisch Gebied, Unoca Aruba, Prins Bernard Cultuur Fonds y Aruba Tourism Authority Sui Generis pa nan sosten.
Pa mas informacion bishita www.arubaartfair.com of bishita Galeria ArtisA den Promenade.
