NA MEI 2022 ARUBA A YEGA NA UN RECUPERACION DI 103% DEN COMPARACION CU MEI 2019.
2022 DEN COMPARACION CU 2019
Oficina di Turismo, A.T.A., ta informa cu pa luna di mei nos destinacion a ricibi un total di 91,403 bishitante “stay-over”. Si compara luna di mei 2022 cu mei 2019 – cu tabata e ultimo aña normal di turismo, por mira cu Aruba a recupera 103% di locual a wordo ricibi na mei 2019.
E tres mercadonan cu mas a destaca den e cantidad di turista cu a bishita na mei 2022 como tambe den grado di recuperacion den e diferente regionnan ta; Estados Unidos cu 71,631 bishitante cu ta representa un grado di recuperacion di 107% den comparacion cu mei 2019, Hulanda cu 3,971 bishitante cu ta representa un grado di recuperacion di 109% den comparacion cu mei 2019 y Colombia cu 2,554 bishitante cu ta representa un grado di recuperacion di 94% den comparacion cu mei 2019.
2022 DEN COMPARACION CU 2021
2022 ta mustra un crecemento mas fuerte y stabil cu 2021.Si compara mei 2022 cu mei 2021 por wak cu crecemento di 29% den cantidad di bishitantenan “stayover”, for di 70,683 bishitante pa 91,403 bishitante.
Si compara mei 2022 cu mei 2021 por wak un biaha mas cu e 3 mercadonan den e diferente regionnan cu mas a crece den cantidad di bishitante stayover ta; Estados Unidos cu un crecemento di 8,717 bishitante “stayover” cu ta representa un crecemento di 14%, Hulanda cu un crecemento di 1,874 bishitante “stayover” cu ta representa un crecemento di 90% y Colombia cu un crecemento di 1,438 bishitante “stayover” cu ta representa un crecemento di 129%.
MERCADONAN
Norte America ta keda e mercado mas fuerte pa Aruba y na mei 2022 un total di 74,307 bishitante Norte Americano a bishita Aruba. Esaki ta 81.3% di e total di e bishitantenan “stayover”. Na mei 2022, Europa a trece 7,576 bishitante pa Aruba, cu ta 8.3% di e total di bishitantenan “stayover”. Un total di 7,074 bishitante cu ta representa 7.7% di e bishitantenan “stayover” tabata procedente di Latino America; y 2.7% di e total di bishitantenan stayover pa mei 2022- cu ta 2,446 bishitante, a bishita nos isla for di otro partinan di mundo.
2022
E prome 5 lunanan di 2022 Aruba a ricibi un total di 426,765 bishitante “stayover”, cu ta representa un grado di recuperacion di 90% compara cu e mesun lunanan di 2019.
TOURISM CREDITS / CENTRAL BANK OF ARUBA
Di acuerdo cu Banco Central e asina yama ‘Tourism Credits’ (anteriormente yama “Tourism Receipts”) pa aña 2021 a contribui cu AWG 3,169.9 miyon den nos economia, cu ta 65.5% mas compara cu e mesun temporada na 2020. Esaki naturalmente ta debi na e pandemia global di Covid-19 durante cual Aruba tambe a cera su fronteranan temporalmente entre mita di mei 2020 te cu juli 2020. Tourism Credits a recupera cu 85% si compara 2021 cu 2019.
