Despues di a vota pa presidente y vice presidente di parlamento di Aruba , Awe 10 di september ta habri aña parlamentario nobo pa Aruba. Den sala a drenta Gabinete demisionario Wever Croes ll y parlamentarionan di Pais Aruba.
Presidente di parlamento nobo Raymond Kamperveen a hiba palabra na e apertura oficial na aña parlamentario nobo 2024/2025. Despues di e Himno di Aruba dushi Tera un biaha mas presidente di parlamento a hiba palabra y ta indica cu segun tradicion riba e di dos diamars di luna di september parlamento di Aruba ta celebra su apertura di aña parlamentario. Gobernador tambe a haci su yegada y parti pafo por a tuma nota di e mariniernan na unda gobernador ta pasa saluda y controla y asina ta topa cu e comision di Mervin Wyatt Ras di AVP,Ricky Hoek di MEP y Parlamentario Independiente, Rycond Santos Do Nascimento drenta sala hunto cu gobernador di Aruba Alfonso Boekhoudt pa e por duna su speech.
