ORANJESTAD,Aruba
Prome Minister Evelyn Wever Croes ta na Hulanda y den e reunion cu rijksminister raad te ainda no a cay ningun decision. Prome minister di Aruba Evelyn Wever Croes ta duna di conoce cu Aruba no por bay diaguerdo cu e formulacion di e dos condicionnan nobo cu a bin na ultimo momento, pa motibo cu Aruba no a haña e oportunidad pa por bin cu e puntonan aki den parlamento y pa notifica Aruba di e situacion y exigencianan cu Hulanda ta pidi.
Despues den un reunion separa a sigui den rijksminister raad cu secretario si estado Knops y minister Hoekstra di finansas di Hulanda a yega na algun palabracion. Den e reunion di Rijksminister Raad a keda bisa cu si Aruba no acepta e condicionnan Aruba lo keda sin ricibi e subsidio. Na su turno Minister Evelyn Wever Croes a bisa den e reunion cu esaki ta algo sigur cu a haci Aruba hopi dolor debi cu pais Aruba semper a cumpli cu tur condicionnan cu Hulanda a pone pa por bin na remarca pa e prestamo y dor di nenga esaki paso ta bin dos condicion nobo riba mesa, esaki no ta aceptabel
Hulanda no ta tene cuenta cu e dolor di e pueblo Arubano ta pasa aden dor di e situacion mundial di COVID-19 . Tampoco Hulanda no ta tene cuenta di e sacrificio cu e pueblo Arubano ta bin ta haciendo caba, unda cu salarionan a keda corta dor di empleadonan publico , sector priva cu a perde hopi di nan entrada , comercientenan chikito y mediano cu a perde nan negoshi. Tur esaki nan ta sagrificionan cu ya caba Aruba a bin ta haci y Hulanda no ta tene cuenta cu esakinan.
Sinembargo Prome Minister a bisa tambe si no ta duna Aruba e placa e ora ta haci un apelacion na Hulanda pa hunto sinta na mesa y papia loke cu tin awor aki riba mesa. Loke ta un realidad e forma cu tin riba mesa na e momentonan aki na e manera cu e ta , e ta yama un consensus rijskwet , pero e no a cana e caminda di consensus prome.
Riba e parti aki Prome Minister di Hulanda Rutte a duna di conoce cu e ta compronde Aruba su posicion y ta sinti tambe cu prome Minister di Aruba tin rason den esaki y a manda prome Minister Evelyn Wever Croes sinta hunto cu secretario di estado Knops y minister Hoekstra di finansas di Hulanda y si hunto yega na algo den e sigiente dianan of oranan e placa por wordo manda pa Aruba inmediatamente y no mester bay warda te na September cu ta e sigiente reunion di rijksminister raad.
Prome Minister Evelyn Wever Croes ta kere cu esaki ta un prome paso pa Aruba. Sinembargo Korsou y St Maarten tampoco no a acepta e proposicion di Hulanda , pero nan no ta den e mes un posicion cu Aruba na e momentonan aki,debi cu no a cumpli cu e puntonan di Hulanda manera baha salario di trahador nan publico ex text.
Despues cu a sinta den e sigiente reunion Hulanda a indica na Aruba, cu nan kier yuda Aruba no solamente cu prestamo , pero cu invercion tambe sinembargo esaki no ta riba mesa na e momento nan aki, loke cu ta riba mesa ta cu mester cana e caminda di consensus y awor Aruba ta bay cana e caminda aki y esaki ta bay tuma su tempo tambe.
Hulanda ta sinti cu nan ta presta placa pero nan no tin un indentidad cu ta controla esaki y esey ta molestia Hulanda, Segun prome Minister esey no lo ta un problema, awor lo mester crea esaki y por tene cuenta cu e entrada di Aruba. Tambe lo bay trata un otro forma di supervicion y esey tampoco no ta un problema pa Aruba.
Prome Minister Evelyn Wever Croes ta duna di conoce cu Aruba ta compronde cu Hulanda ta desea mas supervicion y esey no lo ta un problema tampoco mirando cu Hulanda lo presta Aruba mas cu 500 miyon y acambio Hulanda kier mas supervicion. Aruba no ta contra di e supervicion , pero Aruba ta contra di e procedura cu a wordo cana. Den e reunion di Rijksminister Raad a logra pa awor cana e caminda cu mester a wordo cana y den curso di otro siman mester yega na otro y asina Aruba por yega na e fondonan pa por sigui su proseso pa por cubri luna di juli ,ausgustus y September
