ORANJESTAD,Aruba
Parlamentario Endy Croes a tuma nota cu algun Parlamentario (x ministers) esnan cu a causa e desaster financiero y e Mega Debe na e pais aki a manera spierta. Arthur Dowers ta un di nan kende tabata tin 2 aña sin jega Parlamento pero si tabata cobra tur fin di luna. Nos a reclama hopi den Parlamento alrespecto e comportacion di diferfente Parlamentarionan di AVP kenbdenan no ta presenta na trabou pero mester trese un cambio den Ley y ta bay tin mester 2/3 parti esta 14 voto pa esaki wordo realisa. Lo traha riba dije y presente den un estilo di no work no pay pa asina caba e abusonan cu e Parlamentarionan di AVP ta cometiendo.
/// Diripiente Dowers a stofia un bachi biew y a cuminsa profila den prensa:
Parlamentario Endy Croes a tuma nota cu Dowers na un manera arepentino a stofia un bachi y a cuminsa profila su mes den prensa ultimo siman. Desde december momento Parlamento a baha cu recess no a mira Dowers y desde Januari Dowers no ta atendiendo reunion den Parlamento y awor despues di rond 4 luna Dowers a haña sea poko briyo of ta instrucion di Mike Eman. Nos ta na altura tambe cu Dowers no tabata contento desde cu partido AVP a nombra Marlon Sneek como Lider di Fraccion di AVP. Nan mes a basha abou riba otro cu Dowers nunka a acepta esaki. Dowers como number 4 riba lista y Marlon Sneek como number 12 riba lista bira Lider di Fraccion din e partido berde pasando asina su dilanti. Hasta a expresa den gang den Parlamento cu ta danki cu # 1 Mike Eman, # 8 Schwengle y # 9 Visser a nenga nan puesto como Parlamentario Marlon Sneek na un manera chiripero via bentana di cushina a logra drenta Parlamento.
/// Patricia Dowers tambe a strika 300 mil florin:
Dowers kier ple awe mas santo cu papa di Roma. Awe Dowers kier pasa como esun cu tin Aruba na pecho y tin solucionnan pa tur cos. Dowers mester ta sincero cu pueblo y splika pueblo si ta berdad su casa Patricia a cobra 300 mil florin durante cu Dowers tabata minister? Pues Dowers kier acusa tur otro hende pero a lubida cu informacionnan di su mal maneho, corupcion, faborese famia y amigo tardi of tempran ta jega serca nos. Mescos Dowers a faborese Thera Group di Patrick Paskel cu contactonan lucrativo pa propaganda su oficina. Alaves casa di Patrick Paskel a lanta un di dos compania PAXI ( Public Affairs Communication & Monitoring NV) pa asina sigui strika bou pretexto di monitor prensa, skirbi artikel pa Minister of departamentonan cu ta resorta bou Dowers entreotro pa KPA. E companianan aki di amigo di Dowers a ranca na un manera hopi brutal 7 miyon for di nos pagadornan di belasting. Pues nos ta reta Dowers bin dilanti pa splika pueblo con Bo a abusa di Bo poder e tempo aya. Splika pueblo si Patricia Dowers y Patrick Paskel su companianan no a cobra sumanan astronomico bou bo maneho. Esaki ta meramente pa recorda pueblo di algun di e actonan bochornoso di x ministernan di AVP kendenan awe ta papia den prensa manera cu nunka nan a kibra un copi.
