Arthur Dowers di partido AVP ta cana den e pueblo y ta papia cu e pueblo na e casnan cu ta bishita y loke cu ta saca afo den e bishitanan aki ta cu practicamente den tur e bishita, loke cu ta ser bisa cu nan ta cansa debi cu e gobierno actual crea un sfeer di persecucion riba hende y na unda cu hopi hende ta sinti nan mes persigui, aunke cu hopi di nan no ta persigui pero nan no ta sintinan liber di expresa mas y nan ta sinti cu Aruba ta parce ta birando mes un cos cu Venezuela.
Arthur Dowers ta kere cu nos mester bringa dura awor aki pa asina e paz mental bin pa nos hende nan bek na Pais Aruba. Sinembargo tambe mester traha pa e personanan cu ta bin for di un posicion duro pa nan por sobrevivi na Aruba. Aunke hopi u hende no ta kere tin personanan cu ta biba den un situacion no humano unda cu hasta tin hende nan cu ta biba bou di mata. Tambe tin casnan cu tin hopi tempo sin awa y sin coriente y esaki sigur no por.
Arhur Dowers di AVP ta kere cu mester bin cu un modelo caminda cu ta elimina e forma di pobresa cu tin na Aruba. No por ta posibel cu tin personanan cu ta biba na Aruba y cu ta pasa dianan sin baña, sin come na un Pais desaroya mane Aruba. Mester busca un solucion y e mester wordo studia pa tin un miho Aruba.
Tambe tin hopi keho pa loke ta trata BBO na frontera caminda cu ta pone cu tur e prijsnan ta subi drasticamente riba tur producto prinsipalmente e productonan cu por como salidabel y ta conduci cu e hende nan no por como saludabel mas.
Partido AVP den gobernacion semper ta un partido cu ta scucha, pensa y trece cambio. Tempo a drenta gobierno a sigui cu e desaroyo aki di scucha, pensa y dialoga y bin cu solucionnan cu ta bon y duradero pa e comunidad di Aruba. Arthur Dowers tin e fe cu comunidad lo sostene partido AVP paso nan por ta sigur cu partido AVP no ta un partido cu ta dicidi riba bo pero e ta un partido cu ta trek bo y trece bo hunto pa asina ta parti di e debate y discusion di kico por ta e miho solucion pa bo como un ciudadano di Aruba.
Tambe Arthur Dowers ta kere cu esunnan cu ta di menos entrada mester por haya un sosten. Den pasado AVP den gobierno a duna sosten na e ciudadano di Aruba por ehempel na momento cu a topa cu un situacion dramatico bao di e mamanan soltero, personanan cu ta cobra onderstand na Aruba y na unda cu a bini cu extra ayudo pa tur e gruponan aki pa asina nan por progresa.
Por bisa cu ya caba AVP ta studiando modelonan nobo pa por yuda atrobe. Na momento cu gobierno a aumenta e prijsnan drasticamente tin un momento cu e personanan ta grita cu e solucion ta pa aumenta salario minimo, pero e berdad ta aumenta e salario minimo no ta un solucion debi cu ta un biaha aumenta y despues gobierno ta pone e mes un placa cu e comerciante tin cu paga hinca esaki bek den e producto y na final e ciudadano no ta bay dilanti, segun Arthur Dowers di AVP.
Ta kere cu mester mira cu esunnan cu tin hopi mas den comunidad cu tin placanan grandi cu no ta ni yega den comunidad , con ta percura pa e parti di e placa ey bin na bienestar di e comunidad. Ta momento pa pone e pueblo bek central y cambia e direccion di Pais Aruba.