E artesanonan di Saba e expone nan trabao na e residentenan y e bishitantenan durante di un Mercado temporal di artesano diabierna ultimo na oficina di turismo di Saba. Esaki ta prome biaha di e aña aki cu a tuma luga un Mercado di artesania hunto cu oficina di turismo di Saba y tabata un exito total. Residente y bishitantenan na Saba por a pasa un atardi ameno unda cu nan por a experencia e exhibicion di pinturanan, dibuho, Saba Lace, Saba Spice, mermelada traha na cas, artesanonan traha na man, tarhetanan di felicitacion traha na man, diferente oranan traha na man y tambe CD di musica nan local.
E idea pa tin un mercado di artesania a nace den un reunion di representantenan cu a negosha cu oficina di turismo hunto cu e grupo local di artesania di Saba. Director di oficina di turismo di Saba ta kere cu ta importante pa colabora cu artesanonan local pa asina yuda otro brinda local y turistanan loke ta mas e producto local di Saba.
Un bes pa luna e deseo ta pa organisa e mercado pa e turistanan unda cu Saba ta brinda e oportunidad di encontra un producto unico traha pa local nan na Saba. Di e manera aki tambe e turista lo por hiba un recuerdo di Saba pa asina recorda nan biahe cu nan a haci na Saba. Director di oficina di turismo na Saba ta sumamente contento di por a participa y mira e prome mercado di artesania pa promove Saba di e manera aki tanto pa local nan y tambe turistanan cu ta bin bishita Saba.
