Delegashon di Arte di Palabra di Boneiru ta gradisí tur pa e sosten risibí di primeramente mayor i famia di e partisipantenan, fanátikonan i tur ku a biba ku e aktividat aki desde komienso te final. Tambe ta gradisí e komishon organisadó di Aruba bou di guia di Julie Merencia i Ange Marie Jessurun (tante Ange) pa a inisiá ku e proyekto aki na aña 2000. Nos partisipantenan di Boneiru a representá Boneiru dignamente na Aruba.
Djárason 28 yüli 2021 na final di atardi a tuma lugá e kompetensia di Arte di Palabra ABC 2021 na Aruba den sala di Cas di Cultura. Tabatin 32 obra presentá pa diferente hóben di Aruba, Boneiru i Kòrsou. Boneiru a partisipá ku diesun obra presentá dor di ocho partisipante i Boneiru tabatin representashon den tur kategoria. E partisipantenan tabata Ramso Coffie, Lygaira Pieters, Jeaniro Dorothea, Maria-Luisa Troncon, Juriella Josephia, Irlenska Martinus, Akeesha Cicilia i Radinka Alberto. Partisipantenan tabata bou di guia literario di Jonathan de Wind. E delegashon di Bonaire enkabesá pa Sekshon di Kultura, Arte i Literatura (SKAL) tabata konsistí di Sulainie Martis, Seferina Saragoza, Lyndon Leito, Juliette Clarenda, Christopher Frans i Urvin Sint Jago.
Pa loke ta trata premiashon, tabatin 21 premio. Boneiru a konkista 10 premio i sobra a bai repartí pa Aruba i Kòrsou. E aña aki tambe tabatin un ganador apsoluto (premio general) i esei a bai pa Rafael Garcia di Aruba. Remarkabel ta ku Boneiru a posishoná su mes na promé lugá den kuater di e seis kategorianan. Den e kategoria di poesia original e partisipantenan di Boneiru a piki tur premio.
Un bista di e premionan ku partisipantenan di Boneiru a risibí.
KATEGORIA A POESIA EKSISITENTE KLAS 1-2
| Nòmber partisipante | Obra | Posishon den kategoria |
| Ramso Coffy | Na final di kaminda | ganadó |
| Lygaira Pieters | Mi idioma | terser finalista |
KATEGORIA B POESIA ORIGINAL KLAS 3-6
| Nòmber partisipante | Obra | Posishon den kategoria |
| Ramso Coffy | Pensamentu di un hóben | ganadó |
| Jeaniro Dorothea | Sanashon interno | promé finalista |
| Maria-Luisa Troncon | Bas den bo kas | segundo finalista |
KATEGORIA C POESIA ORIGINAL KLAS 3-6
| Nòmber partisipante | Obra | Posishon den kategoria |
| Irlenska Martinus | E spil | ganadó |
| Juriella Josephia | Tempu | segundo finalista |
KATEGORIA D KUENTA EKSISTENTE KLAS 1-2
| Nòmber partisipante | Obra | Posishon den kategoria |
| Jeaniro Dorothea | Wincho Buyadó | ganadó |
KATEGORIA E KUENTA ORIGINAL KLAS 1-2
| Nòmber partisipante | Obra | Posishon den kategoria |
| Radinka Alberto | Ban eksplorá Boneiru | terser finalista |
KATEGORIA F KUENTA ORIGINAL KLAS 3-6
| Nòmber partisipante | Obra | Posishon den kategoria |
| Juriella Josephia | E buki di aña | segundo finalista |
1 comment
[…] Source link […]