No ta for di awo , pero Aruba ta confrontando retonan serio di sushedad rond di nos isla. Sinembargo ainda ta haya personanan sin decencia pa nan mes corda pa riba e Pais cu nan ta biba. Aruba ta conoci di ta un Pais limpi y cu su hendenan pa amor pa nan patria y pais ta mantene esaki mas ainda debi nos ta un destinacion turistico.
Sinembargo tin un cantidad di antisocial y cochino cu nan norma y balornan ta asina abao cu no ta importa nan den dia cla y riba caminda grandi y den centro di ciudad ta bin cu sushi di nan cas bin benta dies canto di caminda manera nada no a pasa. E custumber aki no ta existi na Aruba y no ta permiti esaki tampoco. Sinembargo por bisa cu na e paisnan den cercania cu ta Venezuela y Colombia y hasta Haiti ta mira tipo di custumbernan asina aki cu na Aruba ta inaceptabel.
Aruba ta un Pais educa y a lanta su hendenan cu respet y amor pa e pais aki. Situacionnan asina aki ta inaceptabel y ta na su luga pa cuminsa atende cu e personanan aki cu di nada tin un pensamento y ta kere cu por y of mag di benta sushi unda cu ta riba nos camindanan publico.
Esaki ta tin un multa mara na dje cu por haya pa cu e acto aki. Video cu City Inspector ta dispone di dje ta papia tur cos y ta mustra claramente un hende muhe cu supuestamente lo mester por sa miho di limpiesa y higiena ta haci tipo di actonan aki den centro di ciudad, algo inaceptabel ken sea cu e porta, Arubiano y of inmigrante cu a bin biba riba e pida baranca aki. Ta spera cu por cuminsa atende cu tipo di situacionnan aki cu man duro.
