Anochi Cu Luna Yen riba diahuebs 31 di Augustus

Sesion di Cultura, Arte y Literatura (SKAL) y Comision Di Luna Yen ta continua cu actividad nan segun su kalender cultural. Riba diahuebs 31 di augustus 2023 lo tin e evento ‘Anochi Cu Luna Yen’ di 7or pa 9or di anochi na Bonaire Windsurf Place cerca Elvis “Piskechi” Martinus. E tema di e anochi ta “Yama danki na lama“. Un anochi cu poesia bou di luna yen. Anochi cu Luna Yen ta un evento social di pueblo y pa pueblo, pues un y tur ta cordialmente bon bini.

Personanan di Rincon cu mester di transporte por haci uzo di un busca ta sali for di pariba di misa di Rincon 18:00-or y despues tambe ta pasa na SKAL 18:30-or pa busca e personanan di Playa cu mester di transporte. Ta pidi tur esunnan cu kier haci uzo di e servicio di transporte pa haci reservacion na tempo na SKAL of yama +599 715 5323. Di e forma aki nos por hiba un miho comunicacion cu otro.

Manera semper, ta keda liber na cada bishitante pa trece algo di boca dushi pa comparti cu otro bishitantenan y un suplica pa tur hende bini cu nan propio stoel. No neglisha bo capacidad y bin demostra cu bo por. Nos ta aprecia y respeta tur obra, cu excepcion di palabranan vulgar, politica, problemanan personal y tur loke cu no ta cuadra cu e meta di e evento.

Anochi cu Luna Yen ta un iniciativa cu a nace den pasado for di algun ciudad abou gran pasion pa nos idioma papiamento. SKAL ta keda pone enfasis cu meta principal di e evento pa stimula otro pa skirbi, declama, conta storia, canta of presenta obranan cortico na papiamento.