Den un anochi special na Universidad di Aruba aña academico a habri oficialmente. Sue ann Lee ta director interino di Universidad di Aruba ta duna di conoce cu e aña academico aki tin 360 studiante nobo cu a registra den e programa di Bachelor,Master y tambe di e Academic Foundation Year.
E Academic Foundation Year semper tin un potencial unda cu e hoben por drenta na momento cu ainda no sa kico ta loke cu nan kier pero ta haci esaki pa asina ta miho prepara kico nan lo bay scoge pa sigu istudia. Den e caso aki e hobennan cu caba e Academic Foundation Year tin di nan ta keda Aruba y tin di nan ta bay Hulanda of Merca despues di e prome aña aki.
Actualmente Universidad di Aruba tin 4 facultad cu ta Ley , arts and sciences , Hospitality and tourism management y economia. E facultad di arts and sciences ta parti di e social sciences cu ta e social work .
Universidad di Aruba a tuma nota di e presentacion di dr.Glenn Thode unda cu tin retonan pero tambe ta mira e oportunidadnan cu tin unda cu a sali di un pandemia aña pasa.
Universidad di Aruba a tuma nota cu e parti digital ta esencial pero na mes momento como un universidad chikito no por bay completamente den e parti digital debi cu ainda tin e parti di development skills cu mester tin e contacto entre educadornan y studiante unda cu e conexion mester keda , pero na mes momento no ta significa cu no por traha hunto y tambe hunto cu e partner nan internacional.
Cu e partnernan internacional por traha aliansanan nobo, studiantenan cu ta haci nan estudio na Aruba pero cu ta bay afo bin bek unda cu ta trece tambe e oportunidadnan nobo. Un persona por sigui studia semper e no ta caba di studia na momento cu e caba cu su master, si e tin e deseo di sigui studia e por haci esaki. E sistema di enseñanza ta cambiando hopi lihe. Sinembargo Universidad di Aruba ta un instituto di educacion , research y treciendo esaki hunto ta trece e materia cientificonan padilanti cu un comunidad manera Aruba por sigui desaroya y traha riba e investigacionnan cu ta keda haci manera cu a keda presenta door di dr. Glenn Thode.
No ta preveni e studiantenan pa bay afo paso semper lo encurasha tur studiante pa sigui studia sinembargo loke cu ta hunga un rol importante ta e sosten di famia y si e studiantenan keda studia na Aruba nan ta cerca di cas y rondona cu su famia cu ta un punto hopi importante pa exito.
Na e momentonan aki Universidad di Aruba tin 4 facultad cu 13 programa pero ta mirando tambe kico ta e demandanan eyfo. Universidad di Aruba no lo crea programa cu no ta di necesidad di Aruba, pero e necesidad di e comunidad y lo wak kico mester y asina lo focus den e parti aki y kico ta e posibilidad cu Universidad di Aruba lo por traha hunto cu e parthernan internacional.
Esaki ta e forma strategico cu Universidad di Aruba tin. E enfoke ta pa sigui educa nos profesionalnan cu ta keda un rol di Universidad di Aruba pa provee loke cu e comunidad ta pidi. Importante ta pa tur e profesionalnan cu nos conoce cu ta bay afo pa nan corda cu Aruba mester di nan y ta spera cu nan por bolbe bek Aruba y asina tuma e timon di Pais Aruba y mustra e amor cu bo tin pa bo pais por sigui crece pa bin duna un man di e conocemento cu a crea durante di tur e estudionan.
