ORANJESTAD,Aruba
Minister Dangui Oduber ta sumamente contento y alavez orguyoso cu e resultadonan den turismo cu a wordo registra pa aña 2019 pa loke ta trata Turismo di nos pais. Turismo ta keda nos unico pilar economico y e driver principal di nos economia. Danki na turismo tin progreso economico y danki na turismo miles di persona na Aruba tin un entrada pa asina por mantene nan famianan. Aña 2018 caba e ser considera un di e mihor añanan de historia di Turismo pa nos pais. E cambio por wordo sinti den Turismo y tur e indicadornan ta papia pa nan mes.Turismo crusero a registra un aña record den aña 2018. Nunca antes den historia di pais Aruba e registra un cantidad di 815.161 pasahero crusero. Un aña sumamente exitoso pa Turismo crusero y mas cu logico esaki tambe a yuda contribui na nos economia.Aña 2019 no tawata diferente y sigur aña 2019 a kibra otro record den cantidad di turista crusero. Pa aña 2019 APA NV a registra un cantidad di mas di 830.000 turista crusero y di e forma aki ta surpasa e record di bishitante di anja 2018 cu tawata 832.001. Sigur un otro logro grandi pa APA y tambe pa pais Aruba. No solamente turismo crusero sino tur e otro indicadornan di turismo ta positivo pa aña 2019.Na momento cu tin otro aña exitoso asina esaki ta wordo sinti tambe pa tur esnan den e sector turistico. Turismo crusero ta contribui na un manera positivo na e entradanan cu ta wordo genera pa cada turista crusero. Aña 2020 lo bai bira un aña cardinal pa APA NV caminda tin varios desaroyonan grandi cu lo cuminsa. Tin e Proyecto di Port City cu lo bira un masterplan caminda lo tin un inversion di mas di $500 miyon di sector priva. APA lo inverti den upgrading di facilidadnan y asina percura pa por brinda un mihor servicio na nos bishitantenan. Den 2020 tambe ta importante pa menciona cu pa promer vez Aruba lo ricibi e crusero di Ritz Carlton. E crusero luhoso a pone Aruba riba su itenerario y esaki ta demostra e calidad di producto Aruba.Minister Dangui Oduber kier a gradici gerencia, staff y personal di APA NV pa e tremendo resultadonan aki. Tambe un palabra di gratitud pa ATA y tur cu a contribui y haci posibel pa tin un otro aña record den Turismo crusero.Tur e indicadornan di Turismo ta positive y esaki ta muestra cu e maneho di minister Dangui Oduber ta dunando resultado. Pa 2 aña consecutive tin crecemento riba crecemento cual ta un señal sumamente positivo pa nos Turismo.Turismo ta keda e driver principal di nos economia y ta keda demostra cu facts con exitoso esaki den e periodo di gobernacion aki.