Alto Comisario Ramon Arnhem falta 1 aña pa su contract cu Aruba termina. Te a e momentonan aki te ainda no sa kico lo bay pasa si lo duna Ramon Arnhem un “verlenging “ of lo tume den diest di Aruba como ALto mando. Sinembargo por bisa cu KPA a mira diferente desaroyonan positivo dswpues cu e la tuma mando. Segun Ramon Arnhem KPA a bay dilanti poco poco aunke falta hopi anda pa haci.
Pa Ramon Arnhem su coleganan ta na prome luga unda cu nan mester sinti e siguridad na nan trabao y mester tin motivacion pa nan por sigui fungi cu nan trabao manera debe ser. Ainda tin hopi puntonan cu mester resolve porehempel e posicion di e polisnan, edificio, materialnan nobo, mas polis ect ect. Te ainda KPA tin un “onderbezet “ di 50% ainda pero e positivo di esaki ta cu a cuminsa start cu un klas caba pero cu lo tin dos klas nobo pa 2024 cu lo cuminsa den augustus. Tambe a ricibi autonan nobo, radio di polis, uniform pero tambe a pone varios opleiding pa e polisnan por sigui desaroya y crece den nan ramo.
E meta pa kico su persona a bin Aruba, Raon Arnhem ta sinti cu poco poco e ta logrando su meta. E meta tabata pa pone e organisacion den desaroyo. Cada lider tin nan propio vision y segun Alto comisario Ramon Arnhem cu su vision ta e bienestar y e siguridad di su coleganan ta na ordo, esaki ta su prome punto di bista, pero banda di esaki tambe tin hopi trabao y hopi partinan pa resolve.
Mester sigui desaroya paso criminalidad tambe ta desaroya y como cuerpo nos mester cana dilanti. Aruba mester keda traha hunto cu e otro islanan den Caribe riba diferente terenonan pa asina hunto combati criminalidad. Tur dia e baho mundo ta bin cu innovacion y nan ta bira mas sabi y no ta trata solamente di kibramento di auto, atraco pero awor ta papia di criminalidad internacional cu cocaina, criminalidad financiero cu ta e criminalidad digital. Fenomenonan hopi peligroso unda cu hende nan rond mundo ta horta personanan riba nan cuenta di banco y haci esaki completamente bashi. Aunke cu Aruba no tin hopi di e casonan aki , pero si Aruba mester prepara pa na momento cu situacionnan yega cu ta bon prepara pa atende cu e situacionnan aki.
Segun Alto Comisario Ramo Lee Minister di Husticia ta na altura di tur e desaroyonan aki y e ta traha hunto cu e cuerpo pa resolve e problemanan cu tin. E mandatario ta inverti den desaroyo y esaki sigur ta positivo. Na e momentonan aki e polisnan cu tin ta traha tin biaha dobel y hera tripel mirando cu mester por yena e rooster cu tin. Sinembargo por bira cu e polis nan ta dedica na nan trabao y si mester mira kico tur nan ta haci pa haci posibel cu e cuerpo por drey optimal sigur ta di gradici y aplaudi.
Tambe ta trahando riba e edificio di ex codemsa , pero e trabaonan tin un retraso pero a priminti cu pa fin di e aña aki e edificio mester ta cla. Den e edificio di codemsa lo bay warda di oranjestad, y algun departamentonan special, pero tambe un externe partner.