ORANJESTAD, Aruba
Parlamentario Endy Croes a skirbi un artikel dia 11 di Juni 2020 den prensa pues tanto na Aruba pero tambe den prensa Hulandes. Dicho artikel a sali den prensa na Hulanda bou di e titulo.” Zelfs Nederlandse Algemene Rekenkamer maakt fouten en verdraait feiten.”
/// Debate den Tweede Kamer 20 di Mei 2020:
Pa ta exacto dia 20 di Mei 2020 tabata tin un debate den Tweede Kamer alrespecto Liquiditeitsteun Aruba-Curacao y St Maarten. Parlamentario Endy Croes a sigui e debate aki y a tuma nota cu Algemene Rekenkamer Nederland a entrega un rapport na Tweede Kamer cu e titulo “ Resultaten verantwoordingsonderzoek 2019 Koninkrijksrelaties ( IV) en BES fonds (H)”. Riba pagina 7 y pagina 23 di dicho rapport ta cita lo siguiente “ Op 10-10-10 Heeft Nederland het overgrote deel van de schulden van de landen Aruba-Curacao-St Maarten overgenomen zodat de landen na de staatkundige vernieuwing een financieel gezonde start konden maken”. Door di e rapport aki por a scucha diferente Parlamentario Hulandes durante e debate ripiti esaki cu Hulanda lo a paga debenan di Aruba tambe desde 10-10-10 esta 10 di October 2010 momento cu Curacao y St Maarten a haña nan Status Aparte. Esaki sinembargo no ta cuadra cu e berdad. Berdad ta cu Hulanda a paga 1600 miyon Euro na debe pa Curacao y St Maarten pero nunka esey tabata e caso pa Aruba. Esaki a molestia Parlamentario Endy Croes bastante y pa e motibo ey a corigi Algemene Kamer Nederland den un articulo den prensa.
/// Algemene Rekenkamer Nederland a duna Parlamentario Croes razon:
E artikel cu a sali den prensa Hulandes a causa cu Algemene Rekenkamer Nederland a bay verifica e contenido di e rapport cu nan a entrega na Tweede Kamer. Algemene Rekenkamer Nederland despues di a hasi un extra investigacion a conclui cu enberdad nan a comete un error y cu nunka Hulanda a paga debe di Aruba manera si ta e caso pa Curacao y St Maarten y mesora a corigi esaki. Un corecion di tal indole momento cu un Hoge College van Staat mester corigi un error cu el a publica caba esaki ta wordo jama den terminologia proficional un Erratum.
/// Algemene Rekenkamer Nederland a tuma contacto cu Endy Croes:
Dialuna ultimo parti mainta Algemene Rekenkamer Nederland a tuma contacto cu Parlamentario Endy Croes pa asina aclarea e situacion. Mesun momento nan a splika Croes cu nan a hasi corecion den e rapport mediante un “erratumbrief” y a manda esaki pa Tweede Kamer pa asina Tweede Kamer hasi corecion den nan files. Alaves a mail e contenido “erratumbrief” cual a bay pa Tweede Kamer pa Parlamentario Endy Croes tambe. Enberdad desde dialuna ultimo tras di merdia Parlamentario Croes a subi site di Tweede Kamer y por a tuma nota di e corecion di e error unda Aruba su nomber a wordo saca for di pagina 7 y 23 di dicho rapport pa asina no crea e confusion cu Hulanda a paga debenan di Aruba. Parlamentario Endy Croes ta finalisa cu e ta contento con Algemene Rekenkamer Nederland na un manera hopi proficional a atende cu e cuestion aki y ta gradisi nan pa nan reacion personal alrespecto esaki.