Aleysha Macea ta un atleta hoben cu a cuminsa e disciplina di taekwondo na comienso di aña 2020, pa medio di un convocatorio di Comité Olympico Arubano. El a participa na varios disciplina deportivo y a uni na e academia di Tiger Taekwondo Academy bao guia di master di e seleccion nacional Teo Rodriguez.
Desde 2020 Aleysha a sigui practica na tur training y a avansa poniendo su talento crece mas ainda.
Tin cu menciona cu e maestro Teo Rodriguez a pone tur esfuerzo den e desaroyo di e talento, disciplina y dedicacion di Aleysha, cu a cuminsa cu 11 aña cu su deporte stima.
Den su prome campeonato nacional el a saca oro y a bira e miho cadet. Despues el a gana varios otro campeonato nacional cu resultadonan excelente.
Den e campeonato di Impact Taekwondo el a gana medaya di oro.
Durante di Tiger su Gala di aña el a gana medaya di Oro den Poomsae, Kyrugui y miho Cadete. Na aña 2022, Aleysha a bira e miho atleta Cadet Nacional y Internacional. Esaki ta debi na su participacion exitoso na torneonan internacional manera e Panamericano di Panam Serie Santo Domingo (Plata), Panam Serie Costa Rica (Brons), Campeonato di Colombia ( Brons), Campamento na Mexico y Pensilvania el a gana medalla di oro y miho atleta. Pa 2023 den e Panam Serie Costa Rica el a gana brons y den e US OPEN e medaya di Oro. Den 3 aña el a logra e posicion di un di e miho cadetnan di Aruba.
Directiva di Tiger Taekwondo Academy consistiendo di Masternan Teo Rodriguez y Jason Ridderstaat ta gradici e directiva di Comitee Olimpico Arubano pa a recomenda un atleta asina completo cu ta demostra cu esfuerzo y disciplina ta e secreto pa logra tur soño cu exito. Esaki ta e mensahe tambe di Aleysha pa tur hoben di Aruba.
1 comment
[…] Source link […]