Loke cu ta un realidad cu partidonan chikito problema so a trece den e ultimo añanan di gobernacion, a trata di duna e partidonan chikito oportunidad pa drenta politica pero loke cu nan a haci ta solamente daño na maneho y progreso di Pais Aruba.
Lider di MEP Evelyn Wever Croes ta indica bon cla cu partidonan chikito no conoce etica y no conoce moral, un situacion y sentimento hopi peligroso pa Pais Aruba. Partidonan chikito a demostra cu nan ta haci kico cu ta cu ken cu ta contal cu nan keda con cu ta na poder.
Pa partidonan chikito un berdad no ta importante pero nan sed di vengansa ta importante, dicon tin tanto rabia paso e rabia ta riba e pueblo di Aruba , debi cu e pueblo a scoge MEP pa goberna, e realidad ta cu e bloke den parlamento cu ta representa e minoria di voz di pueblo di Aruba tin rabia riba e propio pueblo y ta mustra esaki cu e sed di vengansa riba e representantenan cu e pueblo a scoge pa goberna Aruba.
Partido RAIZ un partido relativamente chikito y dictador, ta un partido cu no ta respeta su mes. Minister di RAIZ Geoffrey Wever y alabes lider di un otro partido cu no ta RAIZ ta manda un carta pa prome minister indica cu su ex lider di partido RAIZ Ursel Arends ta pidi su ex candidato cu ta bandona partido RAIZ y subi riba un otro lista pa keda como nan minister. Un movecion politico corumpi, faltando pueblo di Aruba respet unda cu etica di hende ta keda hopi di desea.
Na momento cu fraccion di RAIZ a haci e traicion politico di baha presidente di parlamento Edgar Vrolijk ta pa nan haci e maniobra sushi politicamente pa Greoffrey Wever haya sosten di e traicionero nan di pueblo pa nan sed di poder keda como minister y di ta di otro partido cu no ta e partido cu gobierno a cera gobernacion cu ne.
Definitivamente partido RAIZ no ta un partido di confia tur palabracionnan haci nan a kibra pa nan sed pa poder. Fraccion di RAIZ tanto Misha Raymond y Raymond Kamperveen a sostene e politica baho y traicionero aki, ta kere cu por confia den un palabra di e politiconan aki den man di pais Aruba ?
E falsedad di Minister Ursel Arends unda cu tambe ta manda un carta na prome minister unda cu ta para banda di su ex colega cu a bay subi un otro lista politico FUTURO pa Ursel Arends den e carta ta indica hipocritamente ta expresa “ Aruba mester por conta cu continuidad den gobernacion na un forma responsabel , retira un minister demisionario durante ultimo lunanan den un gabinete pa motibo cu e minister a cambia di partido no ta sirbi interes general. Retira un minister demisionario durante di ultimo lunanan di un gabinete no ta sirbi interes general”.
Bisando esaki pa proteha su ex candidato cu a bandona RAIZ y subi riba un otro lista den parlamento ta e bloke traicionero di partido RAIZ y partido FUTURO cu ta traha cu mal intencion y falsedad contra di e pueblo di Aruba.
E mes un parlamentarionan aki esta Misha Raymond, Raymond Kamperveen, Ursell Arends , Geoffrey Wever y Gerlien Croes na mes momento cu a defende e acto traicionero di minister nan di RAIZ , na e mes un momento cu e mes un malcia ta bay contrario na loke nan a expresa pa defende Geoffrey Wever y cambia 180 grado baha Minister di deporte Endy Croes. Un politica mahos y sin respet pa pueblo di Aruba. Parlamento cu ta e organo di mas halto a bira un rotsoy completo cu e generacionnan nobo den politica , pesey mes e alerta ta bay pa pueblo di Aruba , partidonan chikito no ta beneficio pa stabilidad politico pa Pais Aruba. Si vota pa ken cu ta ta haya kico cu ta y esaki ta e pueblo di Aruba so por trece cambio na dje. Vota pa un stabilidad pa Aruba