Depresion ta un punto cu ta biba den nos comunidad tanto pa mucha, hoben y hende grandi. Drs. Mitsy willems ta duna di conoce cu tin diferente tipo di depresion den nos comunidad y e ta den gran cantidad. Tin depresion leve,mita y severo. Cualkier depresion cu ta e ta un kimico celebral.
Hopi biaha e persona cu menos nos ta kere cu no tin e depresion, tin e depresion. Tin diferente indicacionnan cu un otro persona por mira si un hende ta den depresion porehempel e persona ta cera su mes, no kier sali,kier ta hopi su so. Tur e partinan aki ta haci cu e persona ta drenta den e depresion.
Tambe tin un tipo di depresion cu ta relata na e Post-traumatic disorder cu ta bin door di traumanan cu nan a haya den pasado y ta bin bek. Tambe tin e combinacion di depresion y ansiedad. Por bisa cu e capa di depresion ta hopi habri y e depresion por lanta debi cu situacionnan cu a pasa den bo bida antes, e por ta kimico celebral unda cu tur esakinan ta haci un factor.
Si mester papia di e serotonina cu ta e level cu ta un combinacion di con halto e porta, na momento cu e serotenin ta halto e persona no tin e depresion y si e ta abou e persona por sufri di depresion.
Segun drs.Mitsy Willems tin tipo di depresionnan reactivo cu ta na momento cu situacionnan ta pasa na e momento ey y e persona automaticamente ta reactiva den su sistema y e por ta e depresion na e momento ey. Nos no mester lubida cu tin muchanan chikito y hobennan cu tin depresion.
Mester bisa cu despues di pandemia di COVID hopi mas caso di depresion a presenta . Sinembargo banda di tur e tiponan di depresion cu tin e miho solucion ta pa busca ayudo. Alber Einstein mes a bisa na e momento cu bo ta mas inteligente ta na momento cu bo mes ta busca ayudo. Esaki ta significa cu bo inteligencia ta dunabo e forsa pa sa cu bo ta den un necesidad emocional y cu bo mester di ayudo.
Esunnan cu no kier busca ayudo por yega na otro hende y push nan den e bon direccion. drs.Mitsy Willems ta kere su nos tur duna di nos parti den nos comunidad y yuda otro nos por yuda hopi persona cu tin depresion.
Importante ta pa reconoce e sintomanan y busca ayudo mesora pa esun cu ta den depresion. Sintomanan cu por reconoce ta na momento cu muchanan ta cera nan curpa hopi , nan no ta papia hopi, nan no kier combersa , nan ta hopi corto den nan palabranan.
Loke hopi di nos a laga bay ta e conexion, ta di lamenta cu nos ta den un mundo actualmente cu nos ta perdi den nos conexionnan entre nos cu nos, pero sin cu nos sa nos ta desconecta for di otro. Mundo di tecnologia ta hunga un rol hopi grandi di desconexion entre hende cu hende y ta crea depresion tambe.
Sinembargo tin un tools hopi firme cu ta duna amor, duna amor na un hende ta hopi importante hasta na e personanan desconfia e por keda sorprendi , pero duna amor lo conecta automaticamente. Cu amor por bay tur caminda y nos tur tin un pelicula di nos bida y nos por haci cambio manera nos ta desea.
Nos pelicula di bida nos por hinca drama den dje of nos por duna amor e decision ta keda di nos y e consecuencia ta di nos tambe. E direccion di nos bida ta e escogencianan cu nos kier pa ta den dje, nos bida ta nos propio pelicula sea cu nos ta feliz of no ta feliz tur cos ta depende di nos mes.
