Djaluna anochi komunidat a reakshoná riba e yamada di Akademia Popular Errol Scoop i
siudadanonan preokupá i a asistí masalmente na e enkuentro informativo i di solidaridat
enkonekshon ku desaroyonan ku ta tuma lugá na kosta, playa i terenonan di Kòrsou. Huntu ku
ekspertonan i siudadanonan preokupá presentenan a kumpli ku e meta di e anochi ku tabata
uni den solidaridat, kompartí konosementu, informashon i eksperensia.
Oradónan ku tabata presente ta sr. Lionell Janga ku a trata balor di suela di Kòrsou komo rikesa
di nos pueblo. Sr. Persey Ignacio di Save Zakito, sra. Maroushka Manuel ku a trata importansia
di mangrof pa mantenshon di bida. Señor Ard Vreugdenhil di Curacao Sea Turtle Conservation.
Sra Madeline de Wind habitante di Jeremi i trèkdó di e akshon di mas ku 16.000 firma. Sra.
Yvette Raveneau, e artista Garick Marchena bisiña di Baoase ku a sufri bou di konstrukshonnan
na Baoase i Sra Indira Boelbaai representante di Akademia Popular Errol Scoop ku a duna un
kompilashon di alternativanan salí di un vishon patriótiko i krioyo. Despues di nan presentashon
sala a hasi pregunta i deliberá. Despues di diskushon sano a lanta na final di e enkuentro un
Unidat di Habitantenan Preokupá ku huntu ku Akademia Popular Errol Scoop ta bai traha riba e
mandato di sala. Esaki lo bira un moshon ku eksiguensianan hustu ku sala a trese dilanti.
Akademia Popular Errol SCoop ta sumamente satisfecho ku e interes i boluntat di e
siudadanonan prekupá ku a akudí i solidarisá.